صحه غداكم بنوتاتي ومداماتي الجميلات؛؛
حبيبات قلبي بوست خفيفون ع لصقة الرموش م ماركة آرديل يعني اي واحده تركب ف رموش وتبي لصقة كويسه وسعرها رخيص اتابع البوست؛؛
- لصقة الرموش ماركة آرديل اكيد اغلبكم يعرف الماركة هادي وانها تتميز بتصنيع الرموش حلوه وسعرها رخيص ولكن صنعو حتي لصقة رموش عندهم عدة انواع؛؛
- بالنسبه للنوع الي استخدمته هو نفس شكل الصوره يجي زي الايلاينر ولونها شفاف والفرشه امتاع اللصقه اتساعدك هلبا لما تبي تحطيها ع الرموش الاصطناعيه غير انها بدون لون يعني تجف م تخليش ف الاثر الابيض زي باقي اللصقات؛؛
- بصراحه انا جربتها المده الي فاتت وعجبتني ع الاخر لصقتها ثاااابته هلبا وتجف بسرعه وم سببتليش حساسيه لعيوني وحتي لما نبي نظف الرموش الاصطناعيه سهل تنظيفهم يعني م تخليش ف طبقه ثقيله ع الرموش؛؛والاروع سعرها جداً مناسب ورخيص ب18 دينار ليبي فقط؛؛
- ولو بتسئلوني ع الفرق بينها وبين لصقة ديو بنقوللكم انه آرديل سعرها رخيص وجودتها ممتازه اما ديو سعرها غالي حوالي 45 دينار وطبيه افضل م آرديل ولكن جودتها تعتبر وسط يعني مش احسن لصقه تلصق الرموش خاصةً الي لونها ابيض لصقتها ضعيفه اما الي لونها اسود اقوي ف لصقتها وثابتها واكيد ليكم حرية الاختيار؛؛
- خديتها للصقه م محل بيوتي كوين مقابل جامعة ناصر وهادي صفحتهم ع الفيس في حالة تبو تطلبو خدمة توصيل
https://www.facebook.com/beautyqueenmakeup.ly
وبس برنسيساتي اتمني الافاده للجميع دومتم متآلقات اوهبكم اموووااه..
