ريفيو منتجات لوس انجلس  [برايمر للعين]

مساءالخيرات بنوتاتي ومداماتي الطرفونات؛؛
 حبيبات قلبي بوست ح يفيد كل م عندها مشكله في ثبات وقوة لون مع ظل العين؛؛

  • قبل م نبدآ في البوست عندكم تخفيض في محل بيوتي كوين ع ماركة لوس انجلس 10% بعد م تاخدو بقيمة60دينار فما فوق قولولهم بس م قروب او متتابعات جودالعرب؛؛
  • بنقوللكم علاش يستعمل البرايمر للعين في ناس جفن عينهم دهني ويزيت وع قد م تحط ضلال بعد ساعه تبهت الالوان وتحسي الظلال تتشقق ع الجفن يبدا مداير خطوط فالبرايمر وظيفته يوحد لون الجفن ويثبت ظل العين ويقوي للون وم يخليش يتشقق ويسهل عليك دمج الايشادو امتاعك؛؛
  • طبعاً في منه اشكال والوان وانواع وفي ارتست م يستعملوش ف برايمر خاص بالعين يستعملوا بدله كونسيلر عادي وفي ارتست ضروري يستعملوا برايمر للعين لتقوية الوان الظلال وانا م الناس الي نحب نستعمل برايمر للعين افضل م الكونسيلر لان نحس ف البرايمر اخف وم يتشقق او يتكثل معاك ع جفن عينك؛؛
  • في منه نوعين: نوع يكون شفاف وهذا ع الاغلب يستخدم لثبيت القلتر=الظلال الرش او للمعه وفي نوع تاني يبدا بلون وهذا يستعمل لتقوية الظلال وم يخليش الظلال تتشقق معاك؛؛
  • انا اليوم بنحكيلكم ع البرايمر يكون ب لون م ماركة لوس انجلس هو يجي برايمر ستك زي القلم وبصراحه رووووووووعه عن نفسي م افضل انواع البرايمر الي استخدمتهم م ناحية توحيد لون الجفن سهولة الدمج وتقوية لون الظلال وثباتها ع جفن العين م يخليش الايشادو تبهت الوانها او تتآكسد فيه 3الوان ابيض بيج نود اسود جميع الدرجات روعه وتقدرو تستخدموه لتكحيل داخل العين ولله ثبااااااااات اكثر م القلم امتاع العين انا نستعمل فيه للتكحيل لان عيوني يدمعو لكن لما نكحل بيه ثبااااااات عالي و م اول خطه يمشي معاك ويكحل لونه قوي جداً اي واحده تبي تجرب برايمر للعين وكحل داخل العين قوي ننصحها بيه هلبا؛؛ والاروع سعره 10 دينار؛؛
  • توا بتقولولي به شني انسب الالوان نختاروها بنقوللكم بدون م تحتارو ديما لما تبو تحطو الوان ظلال فاتحة اختارو لون البرايمر اما ابيض او بيج ولو تبو تحطو ظلال لونها غامق زي السموكي مثلاً اختارو للون الاسود ونصيحه مني انا خودو جميع الدرجات لان ح تلقوها وتستعملوها ف كدا حاجه؛؛
  • طريقة استعماله ساهله هو بعد م ديرو كريم ترطيب للعين تحطو البرايمر اول حاجه بعدين اثبتوه ب باودر او ظل يكون لونه نود وبعدين تبدو تحطو ظلالكم وتدمجو/بالنسبه ليا انا م نحبش انثبت البرايمر بالباودر نحب ندمج الظلال ع البرايمر طول باش تطلع الالوان قويه هلبا بس عيب التكنيك هذا انه لازم تدمجي الظلال كويس كويس باش يعطيك فنش حلو؛؛
  • الماركة هادي موجوده في محل بيوتي كوين هما الموزع من وكيل ماركة لوس انجلس مكان محل مقابل جامعة ناصر وع فكره عندهم توصيل لجميع المناطق وهاذي صفحتهم ع الفيس
    https://www.facebook.com/beautyqueenmakeup.ly/

وبس برنسيساتي اتمني الافاده للجميع دومتم متآلقات اوهبكم اموووااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Network Widget by Acurax Small Business Website Designers
error: Content is protected !!