قناع لتفتيح ونضارة البشره [فوائد اللوز الحلو للبشر]

مسائكم روقان بنوتاتي ومداماتي الطرفونات؛؛
 حبيبات قلبي قناع اليوم مفيد جداً لمعالجة تصبغات ونضارة البشره؛؛

  • قبل م نقوللكم مكونات القناع نبيكم تعرفو فوائد اللوز الرهيبه للبشره انه فيه عناصر مهمه ومضاده للبكتيريا يساعد ع تطهير البشره والتخلص م البثور ويحميها م الالتهابات والتحسس غير انه للوز غني جداً بالبروتينات والاحماض الدهنيه الاساسيه الغير مشبعه زي الاوميغا 6 والاوميغا 9 يعني مغذي اساسي للبشره وطبعاً الفيتامينات الموجوده ف تركيبة للوز تساعد بعلاج التجاعيد وتجديد الخلايا وتفتيح وتوحيد لون البشره بشكل كبير؛؛
  • طبعا تقدرو اديرو بكدا طريقه ولكن قناع اليوم درته ب لوز حلو+زبادي طبيعي بدون نكهه ساده الطريقه هي تاخدي 6لوزات يكون بدون ملح بعدين تحمسيهم ع النار لين يولي لونهم اسود زي الصوره بعدين تطحنيهم كويس كويس لين يولي معاك ناعم ويطلع الزيت بعدين اضيفله ملعقه صغيره زبادي ساده يولي معاك زي الكريم؛؛
  • في حالة تبي تغربلي اللوز بعد طحنه عادي ولكن انا خليته باش نقدر ندير بيه تقشير لوجهي؛؛
  • بعدين تحطي ع وجهك يكون نظيف وع رقبتك تخليه 20 دقيقه ولما بتجي تغسلي وجهك حركيه ب ايديك زي التقشير وبعدين اغسليه بغسولك المعتاد واكيد بتستعملي كريم مرطب بعده؛؛
  • القناع يستخدم لجميع انواع البشره ولكن ف حالة بشرتك جافه هلبا استخدمي الحليب بدل الزبادي؛؛

*تقدري تستخدمي القناع هذا مرتين ف الاسبوع؛؛

  • وفي وصفه تانيه لتقوية الحواجب بنفس الفكره هي تطحني اللوز بعد م تحمسيه ولكن اضيفله زيت زيتون او زيت خروع وتستخدميه يومياً لحواجبك ممتاااااااااازه الوصفه هاذي لكثافة الحواجب جربوها ومش ح تندمو م اول شهر تشوفو نتيجه مرضيه؛؛
  • ويالله انتي وياها نوضو وانشطو م غير بخل زايد ديرو اي قناع يعجبكم بما انه نهاية اسبوع ضروري تهتموا ب بشرتكم وتقشيرها؛؛

وبس برنسيساتي اتمني الافاده للجميع دومتم متآلقات اوهبكم اموووااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP Facebook Auto Publish Powered By : XYZScripts.com
Floating Social Media Icons by Acurax Wordpress Designers
error: Content is protected !!