ريفيو منتجات لوس انجلس [الارواج السائله المطفيه/Mattee]

جمعتكم مباركه بنوتاتي ومداماتي الطرفونات؛؛
 حبيبات قلبي ريفيو ع قلوسات المطفيه م ماركة لوس انجلس لكل مزموزه تحب الارواج المطفيه والثابته اتابع البوست؛؛

  • قبل م نبدآ في البوست عندكم تخفيض ع ماركة لوس انجلس 10% بعد م تاخدو بقيمة60دينار فما فوق قولولهم بس م قروب او متتابعات جودالعرب؛؛
  • ح نقوللكم رآئي وتجربتي والتكنيك الصحيح لآستخدام اي قلوس يكون مطفي طبعاً قلوس لوس انجلس المطفي اسمه مات ومكتوب عليه فلات فنش بيقمنت قلوس ويعني انه الفنش امتاعه ناعم ولونه ثقيل جداً م اول طبقه اللون وااااااضح وضووووح الشمس وقوامه كريمي وطبعاً مطفي ومطفي ومطفي و لما نقوللكم مطفي وثاااااابت اعني الكلمه بحذافيرها ثاااابت 24ساعه بصراحه وعن نفسي م اقوي القلوسات المطفيه والثابته الي استخدمتها م قوة ثباته لين تستغربي بجد تاكلي وتشربي بيه وم يتزحزح م مكانه ولا يتشقق ابداً بالفعل شي غريب انا مجربه قبل قلوسات وارواج مطفيه بس فيهم لقطه انه لما تاكلي ولا تشربي تحسيه تحرك م مكانه ويبي التعديل بس هذا ابداً وكآنه لصقه ع الشفايف تقيمي ليه9 م10 واكيد ننصح العرايس بيه اكثر لان ديما تبي روج ثابت ف حفلتها وم تقعدش تعدل كل شويه واكيد ننصح بيه كل بنوته او مدام تبي تشري قلوس مات جودته عاليه؛؛
  • سعره 15دينار ليبي و يعتبر م ارخص اسعار قلوسات المات الموجوده ف ليبيا م الماركات الغاليه والرخيصه بصراحه فرصه انكم تاخدو كدا درجة لون؛؛
  • بالنسبه لدرجات الالوان انا درتلكم سواتش ع ايدي وعن رآئي الشخصي كل درجات الالوان عجبتني في منها الوان نهاريه وامتاع كل يوم وفي الوان مناسبه؛؛
  • طريقة استخدامه او استخدام اي نوع روج او قلوس يكون مطفي لو تبيه يطلع ع شفايفك حلو وم يتشقق ولا يدير قشور قبل م تستعملي اي نوع روج مطفي اديري تقشير لشفايفك بفازلين وسكر وبعدين تحطي مرطب شفايف تحت اي روج مطفي و م تخافيش ح يجف بس مش ح يسببلك تشققات او قشور خاصة قلوس لوس انجلس استخدمي طبقه واحده ولو تبي تعدلي حطي بالشويه عدلي للون م تكثريش طقبات عليه لان زي م قلت للون قوي هلبا ومطفي جداااااً؛؛
  • التكنيك الي نستخدم فيه انا هو بعد م نحط اي روج او قلوس مطفي نستناه يجف بعدين نعدل اطراف الشفايف ونحددها بقلم نفس لون الروج باش يطلع تمام التمام؛؛
  • ملاحظة انه قلوس لوس انجلس المطفي يتحول بمزيل مكياج يكون زيتي لان القلوس ثابت وصعب يتحول بالوايبس او مزيل مكياج كريم؛؛
  • الماركة هادي موجوده في محل بيوتي كوين هما الموزع من وكيل ماركة لوس انجلس مكان محل مقابل جامعة ناصر وع فكره عندهم توصيل لجميع المناطق وهاذي صفحتهم ع الفيس
    https://www.facebook.com/beautyqueenmakeup.ly/

وبس برنسيساتي اتمني الافاده للجميع دومتم متآلقات اوهبكم اموووااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Plugin for Social Media by Acurax Wordpress Design Studio
error: Content is protected !!