طريقة مقشر طبيعي [للشفايف]

مسائكم فُلات بنوتاتي ومداماتي الطرفونات؛؛
 حبيبات قلبي بوست خفيفون ع صنع مقشر طبيعي للشفايف؛؛

  • قبل م نبدآ ف البوست نبي انوضح حاجه مهمه والي تجيني هلبا اسئله ع موضوع انه شفايفي فيهم قشور شفايفي م فيهم حيويه ولا نضاره شفايفي جفاف شفايفي لونهم غامق شفايفي يتكتل عليهم اي نوع روج يكون مطفي الخ الخ م هالاسئله هاذي؛؛
  • غالياتي لآنكم ب بساطه مش مهتمين بالتقشير الاسبوع ولا بالترطيب اليومي ولا ب شرب الميه الكميه الكافيه الي تحتاجها جسمك؛؛
  • تبي شفايفك نضره ولونها وردي وناعمه اهتمي بتقشيرها م مرتين ل3مرات ف الاسبوع ب ترطيبها اليومي قبل النوم والافضل تستخدمو مرطب طبي زي مثلاً مرهم بيبانتين الي خطه وردي؛؛
  • مكونات المقشر سهله وبسيطه هي سكر بني ولو مش متوفر عندك استخدمي السكر الابيض+ زيت جلسرين ولو مش متوفر عندك استبدليه ب آي زيت عطري او زيت زيتون+فانيليا سائله وملون حلويات وهذا مكون مش اساسي انا ضفته للطعم والريحه لان ريحة الفانيليا حلوه؛؛
  • الطريقه تاخدي ملعقه صغيره م السكر ونص ملعقه صغيره م زيت الجلسرين مع قطرتين فانيليا سائله و قطره ملون طعام وتخلطي كل المكونات مع بعض وتحتفظي بيها في اي علبه نظيفه عندك؛؛
  • تستخدميه م مرتين ل3مرات ف الاسبوع بحركه دائريه خفيفه ع شفايفك بس تسخدميه يوم بعد يوم وبعدين ترطبو ب آي مرطب شفايف عندكم انا نستخدم الوقت الحالي مرطب شفايف ماركة بالمرز؛؛
  • فوائد المقشر هو تجديد خلايا وازالة القشور الميته وتوريد الشفايف وترطيبها يعني يخلي الشفايف نضره وصحيه وتستخدمي اي روج يطلع فل الفل؛؛

وبس برنسيساتي اتمني الافاده للجميع دومتم متآلقات اوهبكم اموووااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Responsive Web Designing Company
error: Content is protected !!