صحه غداكم بنوتاتي ومداماتي المزموزات؛؛
حبيبات قلبي بوست ع قلوس قليزد م ماركة لوس انجلس؛؛
- قبل م نبدآ في البوست عندكم تخفيض 10% بعد م تاخدو بقيمة60دينار فما فوق قولولهم بس م قروب او متتابعات جودالعرب؛؛
- قلوس قليزد هو عباره عن ملمع وصبغه للشفايف يعني نوعيته غير القلوسات الي تبدا بلمعه ومش ثابته ع الفم هذا فيه لمعه ولكن ف نفس الوقت ثابت ع الفم ويخلي صبغة لون حتي لو تحولت لمعته بصراحه انا قليل نادر م نستخدم القلوس نحب الارواج المطفيه بس الفتره هادي بدت نستعمل ف قلوسات قليزد لان قوامه كريمي والوانها قويه جداً بيقمنت ثباتها م 4/6ساعات ع شفايف وحتي لو تحولت لمعته يقعد للون كآنه طبيعي لان زي م قلت يصبغ ف الشفايف انا شخصياً عجبني هلبا والناس الي تبي تجرب قلوسات جديده ننصحها بيه؛؛ سعره جداً مناسب 13دينار ليبي؛؛
- حاولو ديما تستخدمو محدد او قلم شفايف تحت اي ملمع باش يثبت معاك اكثر ويجيك مساوي؛؛
- غير انه فيه ميزه يعطي نفخه بسيطه للشفايف لان تركيبته فيها زيت النعناع مع فيتامين e ومعروف زيت النعناع يكبر الشفايف وينفخهم طبعا مؤقتاً وحتي لما تحطيه ع شفايفك تحسي بشوية وخز؛؛
- انا درتلكم سواتش ب الالوان الي عندي باش تشوفو قوة الالوان وقوامها ولمعتها؛؛
- الماركة هادي موجوده في محل بيوتي كوين هما الموزع من وكيل ماركة لوس انجلس مكان محل مقابل جامعة ناصر وع فكره عندهم توصيل لجميع المناطق وهاذي صفحتهم ع الفيس
https://www.facebook.com/beautyqueenmakeup.ly/
وبس برنسيساتي اتمني الافاده للجميع دومتم متآلقات اوهبكم اموووااه..
