مسائكم ورد بنوتاتي ومداماتي المزموزات؛؛
حبيبات قلبي بوست ع اخر صحيات الموضه لقصات الشعر لسنة2017؛؛
- في بداية البوست بنقول الي شعرها طويل وحلو ممنوع تقصه بجد حرام تخسري شعرك ع خاطر الموضه انا شخصياً ضد قص الشعر الطويل مع القص ف حاله واحده لما تكون الشعره خلاص مهلوكه ومدمره معاش ينفع فيها حتي علاج ف الحاله هاذي اوك تقصي باش تجددي اطراف الشعر ويتنفس ويطول الشعر بشكل صحي افضل م الاول؛؛
- بالنسبه لموضة الشعر لسنة 2017 هو الشعر القصير اما الشعر القصير بكل او القصير وسط رجعو لموضة شعر الكاري ولطول الميديم لونق والبانكس والقرصو هادي اسماء قصات موجوده م قبل بس رجعولها السنه هاذي وبكثره ولو تلاحظو حتي ف الفنانين والمشاهير كلهم اتجهو للشعر القصير ومعاش يلبسو ف اكستنشن شعر طويل؛؛
- بنشرح ع كل صوره ف البوست انا رقمتهم باش يوضحلكم الشرح اكثر؛؛
- الصوره رقم(1) نوع القصه هي شورت هير يبدا الشعر قصير اما م الخلف والامام او يبدا قصير م الخلف والقصه مدرجه م الامام او يبدا كل الشعر مدرج بس ع القصير يعني الطول م يفوتش حد الاذن هنا يتسمي بالشعر القصير جداً؛؛
- الصوره رقم(2) نوع القصه هي ميديم لونق هير يعني طول الشعر يبدا قصير وسط الحد امتاعه م اسفل الذقن وفوق الرقبه ويجي بعدة ستايل اما يبدا جيهة اطول م جيهه او يبدا طول اطراف الشعر بالتساوي او يبدا مدرج طبعا كل واحده تختار القصه الي تناسب شكل وجهها؛؛
- الصوره رقم(3) نوع القصه هي اندر كات هير وهي تعتبر م القصات المجنونه وغير مقبوله في مجتمعنا اكيد ستايلها يتحلق الشعر م تحت او م الجنب نفس الشكل الي ف الصوره طبعا عن نفسي مستحيل نتقبلها او نديرها بس انا ك بلوقر ملزمه نشرحلكم كل انواع القصات لسنة 2017؛؛
- وزي م انقول ديما هي مسآلة اذواق في الي يعجبه الشعر القصير هلبا في الي يعجبه القصير الوسط في الي يعجبه الشعر الطويل عن نفسي انا شعري قصيته نفس ستايل صوره رقم 2 الي هو ميديم لونق هير؛؛
- ملاحظة البوست الي ح نزله بعده ح يكون ع موضة الوان الشعر لسنة 2017 فلهذا م تنسوش اتابعو بوستاتي الجايه؛؛
وبس برنسيساتي اتمني الافاده للجميع دومتم متآلقات اوهبكم اموووااه..
