ريفيو مسكرة إسنس[get BIG LASHes]

مسائكم فلات بنوتاتي ومداماتي المزموزات؛؛
 حبيبات قلبي بوست ع مسكرة إسنس بيق لاشز؛؛

  • قبل م نقوللكم ع تقيمي للمسكره نبي نفهمكم انا اقل انسانه تستخدم ف المسكره وهذا بسبب عيوني حساسات م نتحمل استخدامها ديما يعني نستعملها لما يكون عندي مناسبه او تصوير فلهذا ديما المسكره اخر اهتماماتي ولكن انا من عشاق مسكرات ماركة برجوا عندي التوب مهما طلعوا عليها م ماركات تانيه هي المفضله عندي هذا بالنسبه لرآئي الشخصي؛؛
  • بالنسبه لمسكرة إسنس هاذي لما قالتلي صاحبة محل بيوتي كوين غير جربيها وح تعجبك للامانه خديتها قلت اه ممكن حلوه بس مش ح تتفوق ع مسكرات برجوا؛؛
  • ولكن ولكن لما جربتها قصدي نعم ماهذا؟؟ روووعه بجد المسكره م ناحية الكثافه وووااااو م ناحية انها م انها م تتفتفتش لان ف نوعيه مسكرات بعد ساعه او ساعتين تبدا تتفتف واطيح بس هاذي لا وم ناحية طول الرموش حلوه وفي نفس الوقت م تتكتلش المسكره لان فرشتها كبيره وشعرتها متفرقات و م فيهاش تكتلات و خلتني انفضلها ع برجوا فلهذا اكيد ننصحكم بيها خاصةً الناس الي م تحب تركب رموش لان بجد تعطيكم كثافه حلوه ع الاخر؛؛ سعرها ب20دينار ليبي؛؛
  • وحاولو قبل م تستخدمي المسكره استعملي عكافة الرموش زي الي ف صورة البوست باش تفتح رموشك اكثر وتطلع المسكره احلا؛؛
  • ملاحظه مهمه ممنوع استخدام المسكره بشكل يومي لان ح تنف رموشك وهادي اسنس م تنفع للاستخدام اليومي لانها ثقيله ف مسكرات اخف منها في ماركة ميبلين الي لونها اصفر؛؛
  • بالنسبه ليا نستخدم لليومي مسكرة شفافه مقويه للرموش م ماركة كرستان لي حلوه ع الاخر وشوفت فرق في رموشي بس قلت خلي نسكر شهر ع استعمالها باش نقدر انزلكم تقيمي ليها في بوست؛؛
  • ملاحظة تانية مدة صلاحيتها بعد الفتح 6شهور يعني بعد يكملوا 6شهور ع طول تتلوح ممنوع تستعمليها واطنشي خاصةً العيون حساسات م فيش معاهم لعب؛؛
  • في حالة عجبكم البوست وتبو تشرو منها انا خديتها م محل بيوتي كوين مقابل لجامعة ناصر مباشرةً وهاذي صفحتهم ع الفيس
    https://www.facebook.com/beautyqueenmakeup.ly

وبس جميلاتي اتمني الافاده للجميع دومتم متآلقات اوهبكم اموووااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Customized Social Media Icons from Acurax Digital Marketing Agency
error: Content is protected !!