قناع للوجه  [لشد ونظارة البشره وتصغير المسام]

مساءالخيرات بنوتاتي ومداماتي الطرفونات؛؛
 حبيبات قلبي بوست ع ماسك سريع ومفيد جداً للبشره؛؛

  • مكونات القناع بياض بيضه1+ كاشيك=ملعقه كبيره سكر خطلوه كويس كويس لين يولي معاكم قوامه كريمي نفس صورة البوست بعدين حطوه ع وجهكم ورقبتكم خلوه م 15/20 دقيقه لين تحسو الوجه تشد وانشحط بعدين اغسلوا وجهكم بغسولكم المعتاد وضروري ترطبو بعده باش م يصيرلكم جفاف؛؛
  • طبعا معروفه فوائد الدحي للبشره لان بروتين يساعد ع ترميم وتجديد خلايا البشره ويقتل البكتيريا الي تسبب حب الشباب غير انه يشد البشره ويعطيها نظاره رهيبه ويصغر المسام والسكر حتي هو ممتاز لشد وتقشير الخلايا الميته؛؛
  • بعد م تغسلوا وجهكم ح تشوفو نظاره وانه وجهكم مشدود تقدرو تستعملوه الماسك هذا مره ف الاسبوع؛؛
  • ويالله كل واحده تنشط ودير قناع لوجهها حتي لو بمكونات مختلفه ع المهم فكونا م البخل ايوا؛؛

وبس برنسيساتي اتمني الافاده للجميع دومتم متآلقات اوهبكم اموووااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Customized Social Media Icons from Acurax Digital Marketing Agency
error: Content is protected !!