ريفيوز فونديشن لوس انجلس  [كريم اساس+كومباكت باودر]

مساء الخيرات بنوتاتي ومداماتي الطرفونات؛؛
 حبيبات قلبي بوست اليوم مهم للجميع هو ح نقول رآئي ف كريم اساس وباودر ماركة لوس انجلس قيرل؛؛

  • قبل م نبدآ في البوست عندكم تخفيض 10% بعد م تاخدو بقيمة60دينار فما فوق قولولهم بس م قروب او متتابعات جودالعرب؛؛
  • نبدو في البوست اول شي بنحكي ع الكريم الاساس بدون اي مبالغه ولا دعايات فاضيه بصراحه روووعه بجد انا اصلاً مصدومه م الافكت امتاعها طبعا الفنش امتاعها مطفي تماماً هي خاليه م الزيوت وفيها فيتامين سي و إي طبعا بعد م تحطوها ع وجهكم تقلب ع طول باودر وفي نفس الوقت ملمسها خفيف يعني م تتكتلش او تجير معاك تغطيتها م خفيف لوسط ولو بتزيد عليها طبقه تانيه ج تولي معاك تغطيه ثقيله وم تخافوش مش ح تتكتل معاكم لان زي م قلت تجف وتقلب لباودر مناسبه جداً للبشره الدهنيه والمختلطه والعاديه وفي حالة بشرتك جافه تقدري تستخدميها بس اديري قبلها كريم ترطيب كويس،،
  • بالنسبه لدرجات الالوان متوفر فيها كدا درجة لون وضروري تجربو قبل م تشرو انا عن نفسي خديت درجة “HONET” وتعني العسلي للون جاي ع اصفر واغمق م لون بشرتي ب3درجات تقريبا لان اانا نحب ناخد اغمق م لون بشرتي لان ندير في حساب التصوير باش م يقلب اللون ف الصوره الدرجه رووعه وتناسب الي بشرتهم سمراء فاتحه و وسط تقيمي ليها 9/10 وع فكره هي تعتبر بديل ارخص لكريم اساس لانكوم الدروب؛؛
  • االاروع في الموضوع سعرها ب15دينار اه اه قلت السعر الصحيح مش غالطه تخيلوا انه السعر هذا مازال موجود ف الوقت هذا الي فيه الاسعار سياحيه؛؛
  • اما تاني شي هي الباودر المضغوظه حتي هي الفنش امتاعها مطفي تماما وتغطيتها اتش دي ثقيله حلوه ف الاستخدام وثاااابته جداً مناسبه للبشره الدهنيه والمختلطه والعاديه تقيمي ليها 9/10 اما بالنسبه للبشره الجافه ج تكون ثقيله عليها ننصحكم تاخدو البودره الحره م نفس الماركة؛؛
  • فيها تقريبا 6درجات انا خديت درجة بيج نتروال حلوه ع الاخر تناسب الي بشرتها فاتحه وسط وسمراء وسط؛؛
  • سعرها ب 23دينار ليبي؛؛
  • الماركة هادي موجوده في محل بيوتي كوين هما الموزع من وكيل ماركة لوس انجلس مكان محل مقابل جامعة ناصر وع فكره عندهم توصيل لجميع المناطق وهاذي صفحتهم ع الفيس
    https://www.facebook.com/beautyqueenmakeup.ly/

وبس برنسيساتي اتمني الافاده للجميع دومتم متآلقات اوهبكم اموووااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Floating Social Media Icons by Acurax Wordpress Designers
error: Content is protected !!