طرق توزيع الاساس

مساء الخيرات بنوتاتي ومداماتي الطرفونات؛؛
 حبيبات قلبي بوست خفيفون ع طرق توزيع الاساس؛؛

  • قبل م نبدآ في البوست نبي نوضحلكم نقطه انه كل واحده وطريقتها في توزيع الاساس وع شني ترتاح وبعدين كل واحده وشني تفضل في تغطية الاساس في الي تفضل التغطيه الثقيله وفي الي تفضل التغطيه المتوسطه وفي الي تفضل التغطيه الخفيفه فلهذا كل واحده وطريقتها وم تخلوش حد يقوللكم هذا غلط وهذا صح لان شوفي راحتك قبل وع فكره اكبر ارتست ع مستوي عالم الي الان تستخدم في يديها لتوزيع الاساس لان هما يرتاحو هكي مهما طلعت م طرق جديده للتوزيع؛؛
  • طبعا زي م تشوفو في صورة البوست كل طريقة توزيع تعطيك نتيجه معينه لدمج الاساس البرتقاله هي اقرب تشبييه للبشره فلهذا خلي نشرحو ب الارقام المكتوبه؛؛
  • رقم (1) في الصوره هي دمج الاساس ب الاصبع تعطيك تغطيه فل كفر=تغطيه ثقيله ولكن عيب الطريقه هاذي تبي دمج كويس كويس والا مش ح يتوزع الاساس كويس وح يتكتل معاك؛؛
  • رقم (2) في الصوره هي دمج الاساس ب اسفنجة المكياج تعطيك تغطيه م لايت لميديم كفر=يعني م تغطيه خفيفه لمتوسطه توزيع ب الاسفنجه ممتاز وميزتها تمتص كل كريم الاساس الزائد ع بشرتك انا شخصياً نفضل نستخدم الاسفنجه في دمج الاساس او الكونسيلر في حالة تبي تغطيه ثقيله ادمج ب اسفنجه تكون جافه وفي حالة تبي تغطيه خفيفه او متوسطه ادمجي ب اسفنجه تكون مببلوله وفي طريقة جديده بدو يستخدمو فيها الارتست لغرض تعطيك فل كفر=تغطيه ثقيله للاساس وهي تلفي ع الاسفنجه سيلوفان=ورق الشفاف وبعدين تدمجي بيها الاساس تعطيك تغطيه ثقيله غير انه مش ح تتوسخ الاسفنجه امتاعك لان كله ح يجي ع السلوفان الشفاف وطبعا في عدة ماركة للاسفنجات ولكن انا حاليا المفضلات عندي ماركة لوكس بيوتي وفيما سبق نزلت عليهم بوست ؛؛
  • رقم (3) في الصوره هي دمج الاساس بالفرشه وتعطيك تغطيه فل كفر=تغطيه عاليه للاساس لان الفرشه م تمتصش كريم الاساس طبعا في عدة اشكال والوان وماركات م الفرش انا عن نفسي المفضلات عندي خاصةً للوجه فرش ريل تكنيك؛؛

وبس جميلاتي اتمني الافاده للجميع دومتم متآلقات اوهبكم اموووااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Wordpress Development Company
error: Content is protected !!