تراندي 2017  [ظلال العين]

مساء الخيرات ولليرات بنوتاتي ومداماتي الطرفونات؛؛
حبيبات قلبي بوست اليوم ع موضة ظلال العين لسنة 2017؛؛

  • زي م قلتلكم نحاول انزلكم بوستات بالتسلسل ع موضة المكياج لسنة 2017 وخلي انسميها بإسم تاني وهي تجديد زمن الديسكو لسنة 2017 لان الموضه هاذي كانت موجوده في زمن 70 و80 فلهذا خلي ننعش ذاكرتكم بيها شوي؛؛
  • نبدآ بموضة الظلال لسنة 2017 وهي القلتر والالوان واللمعان والبريق م ع بعد كيلو مترات قالوا باي باي للالوان الترابيه والمطفيه الي كانت رائجه هلبا لسنة 2015/2016 واهلا ب الالوان الفلاشيه والمضيئه للعين لسنة 2017؛؛
  • انا حاولت انرقم صور البوست وكل صوره تحتها اسم للوك باش نقدر نفيدكم اكثر؛؛
    •° الصورة رقم (1) للوك هذا يسمي بالقلوس ايشادو ويعني انه تشوفي ظلال العين لزج ويلمع في لمعة مائية نفس صورة البوست يعني نفس فكرة ملمع الشفايف بس هذا ملمع لظلال العين؛؛
    •° الصورة رقم (2) اللوك هذا يسمي بالميتالك ايشادو ويعني ان ظلال العين تلمع بس لمعه بدون قلتر=رش وطبعا الالوان تكون فيه زاهيه وتسلط الضوء ع العين ؛؛
    •° الصورة رقم (3) اللوك هذا يسمي كلرفول ايشادو ويعني يكون ظلال العين الوان الطيف او الطاوس هي تدمجي درجات الوان مغايره عن بعض يعني مثلاً زي درجات الوردي مع الازرق درجات الاخضر مع الموڤ درجات البرتقالي مع الاحمر وهكذا بمعني اصح زي الوان قوس قزح؛؛
    •° الصورة رقم (4) اللوك هذا يسمي وان كلر ايشادو يعني يكون ظلال العين درجة واحده فقط وريحي راسك هههه حطي لون ظل واحد ع جفن عينك وادمجيه وتبدي 100/100 هذا بالنسبه للناس الي م تعرفش تحط الوان ظلال هذا اريح واسهل لوك ليها غير انك ح تكون مع موضة 2017؛؛
  • يعني الي اكتشفناه انه موضة 2017 لظلال العين درجات الالوان تكون فاتحه وزاهيه للعين زي البرغندي البني المحمر الوردي وغيره م الالوان الزاهيه وانه الوان تكون بلمعه او ب قلتر عكس الي كان رائج ف2016 الالوان الترابيه والسموكي وانه الالوان ع الاغلب تكون مطفيه؛؛
  • ملاحظة صغيرونه انه مسموح تغيرو درجات الالوان الي تناسب لون بشرتكم انا اخترت الصور هاذي ك توضيح لأشكال الظلال؛؛
  • وزي م نقول ديما انه الموضه هاذي في ناس ح تعجبها وفي ناس لا اكيد لان مسآلة اذواق وكل واحده وشني يناسب شكل عينها عن نفسي اه ممكن نجرب واحد م اللوكات هادي بس بطريقتي ليش لا عادي مره مره الواحد يغير ويطلع ع الشكل المعتاد ولكن بطريقة تليق بشكلي اكيد؛؛

وبس برنسيساتي اتمني الافاده للجميع دومتم متآلقات اوهبكم اموووااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Responsive Web Designing Company
error: Content is protected !!