مساءالخيرات بنوتاتي ومداماتي الطرفونات؛؛
حبيبات قلبي بوست اليوم ع موضة الارواج لسنة 2017؛؛
- انا حبيت كل مره انزلكم بوست ع موضة مكياج لسنة 2017 الي ماشين بيها في الكات وك والفاشن ديزاين وخبراء التجميل نبي نقوللكم انه بدو يجددو ف صيحات الموضه القديمه وهو زمن الديسكو يعني زمن للمعان والبريق والقلتر=الرش الميكب فيه كله بريق بروقي ههههه تشوفيه ع بعد كيلومترات؛؛
- تراندي 2017 هي الارواج الي تلمع او القلوسيه والمتالك م تكونش مات مطفيه والالوان الفلاشيه الزاهيه هي درجات الوردي والزهري والاحمر بس تكون بلمعه؛؛
- تراندي 2017 للارواج اما تكون درجات النود وهي الطبيعيه جداً وكآنك مش امدايره روج او للون الاحمر الفاقع والبراق بجميع درجاته وطبعاً كل واحده ولون بشرتها وشني يناسبها م درجة للون الاحمر؛؛
- تراندي 2017 زي م قلتلكم رجع زمن الديسكو وهو يديرو في القلتر=الرش ع الشفايف او الستراس الي هو الاكسسوار الي يلصق شكل الماس نفس صورة البوست؛؛
- يعني ب اختصار قالوا باي باي للارواج المات والمطفيه الي كانت رائجه في سنة 2015/2016 واهلا ب القلوس وللمعه والقلتر والالوان الصارخه والبراقه للشفايف لسنة 2017؛؛
- واكيد زي م نقول ديما انه في ناس ح تعجبها الموضه هاذي وفي ناس لا هاذي مسآلة اذواق بس عن نفسي انه ممكن ندير لوك او روج قلتري اه ممكن جداً خاصةً لو كان عندي تصوير لوك يكون خارج ع المآلوف؛؛
وبس جميلاتي اتمني الافاده للجميع دومتم متآلقات اوهبكم اموووااه..
