تراندي 2017 ” Draping”  [تكنيك الدربينق لوك]

جمعتكم مباركه بنوتاتي ومداماتي المزموزات؛؛
حبيبات قلبي بوست اليوم ح نشرح ع تكنيك او طريقة للكونتور لسنة 2017؛؛

  • قبل م نبدآ في البوست نبيكم تفهموا حاجه كويس كويس انه عالم المكياج او تكنيك الميكب المختلفه الي كل سنه تطلعنا صيحة وموضه جديده للعلم هي مش جديده اي نعم مش جديده كل تكينك المكياج الجديد الي تشوفو فيه هو اساساً موجود منذو الازل م اول م طلع المكياج وخبراء المكياج اي نعم في الي منكم ح ينصدم وفي الي منكم لا ولكن حبيباتي هاذي الحقيقه والواقع مثلاً زي تكنيك الكونتور موجود م الستينات بس كانو يستعملوا فيه بكريم الاساس فاتح وغامق وتكنيك الستروبنق حتي هو موجود م السبعينات وتوا تكنيك الدربينق موجود م السبعينات واستمر للتسعينات اه اه هذا الواقع راهو م يضحك عليكم حد ويقولولكم م تعرفو الموضه بس كيف يصير وكيف تطلع م جديد الصيحات هاذي هي ب وجود الماركات العالميه يبدو يجددو في كل تكنيك مكياج قديم وينزلو ويطورو في منتجات المكياج جوده افضل تعليب افضل وتكون خيارات درجات الالوان اافضل و اوسع م قبل طبعاً مع التسويق الممتاز لان يتعبوا ع التسويق ويدفعو للارتست والبلوقر المشاهير لشهرت منتجاتهم اكثر ومنها تطلع صيحات الموضه والمكياج زي م كان في سنة 2015/20166 صيحة الكونتور وكل العالم انهبل بيه زي م توا قالوا خلاص باي باي كونتور واهلاً بالدربينق والهلثي فيس=لمعة الصحيه للوجه؛؛
  • الدربينق لوك هو تكنيك سهل وبسيط ويعني انه يتم تحديد الوجه والخدود ب احمر الخدود عكس م كان ف الكونتور لان يستخدم فيه الالوان البارده الي هي درجات البني ع رمادي ويتحدد الوجه بشكل قاسي بس في الدربينق لا يتحدد الوجه والخدود بشكل ناعم ويكون ب احمر الخدود؛؛
  • الدربينق لوك يتحدد فيه الخد م المنتصف لتفاحة الخد ويطلع لفوق الحاجب زي م في صورة البوست عكس م كان الكونتور يستخدم لنحت عظمة الخد م تحت بشكل قاسي وحاد؛؛
  • الدربينق لوك الالوان الي تستخدم فيه زي م قلتلكم هو نفسه احمر خدود يعني تقدري تستخدمي درجتين م احمر الخدود درجة لتحديد الخد يكون م الدرجات الوردي الغامقه ولتنوير الخد تكون درجة الوردي الفاتحه لان يعتمد ع الشكل الطبيعي ونظارة البشره ويفضل احمر الخدود يكون فيه هايلايت بمعني لمعه باش يعطي لمعه صحيه للوجه؛؛
  • وطبعاً اكيد في الي ح يعجبهم التكنيك هذا وفي الي مش ح بتقبلوه لان زي م انقول ديما هي مسآلة اذواق بالنسبه عن رآئي الشخصي اه عادي نستعمله التكنيك هذا لان اساساً انا مش مع تكنيك الكونتور؛؛

وبس جميلاتي اتمني الافاده للجميع دومتم متآلقات اوهبكم اموووااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Plugin for Social Media by Acurax Wordpress Design Studio
error: Content is protected !!