ريفيو باليت مورڤي [كونتور+اضاءه+كريم اساس+مصححات لون]

مساءالخيرات والليرات بنوتاتي ومداماتي الحلوات؛؛
حبيبات قلبي بوست ع باليت الشهير م مورفي؛؛

  • الباليت هذا كامل م مجاميعو وفيه كل الي تبيه م ميكب للوجه الباليت هذا ننصح بيه اكثر الناس الي تشتغلوف مجال التجميل زي المزينات وغيرهم لان يشتغلوا ع كدا لون بشره ف الباليت هذا مفيد ليكم لان فيه اكثر م درجة لون وتقدرو تخلطو الدرجات مع بعض وتقدرو تستخدموه لكدا استخدام حتي ف ظلال العيون تحطو ك بيس او اساس ل لون الظل امتاعكم؛؛

  • جربت الباليت وتقيمي ليه حلو عجبتني درجات الالوان فيه ع الاصفر والوردي والبيج فيه حوالي 12لون م بين اساس واضاءه وخافي عيوب وكونتور وفيه 8الوان مصححات لجميع درجات البشره قوامه ستك يعني جامد شوي ويبي تحطي ترطيب لبشرتك كويس قبل م تستخدميه باش م يسببلك اي قشور او طبقات؛؛
  • بالنسبه ليا انا استخدمته بنفس طريقة الي ف الصوره وننصحكم بيه التكنينك هذا هلبا لان ح يسهل عليكم الدمج وهو تكنيك النقاط يعني تبدي تحطي الاضاءه والكونتور والمصحح بطريقة النقاط بعدين تدمجي بالتدريج الالوان الفاتحه بعدين الغامقه؛؛ 
  • انا استخدمت للون الزهري ك مصحح للهالات وخلطت لونين م الاضاءه وحطيت اللون الابيض ف دمعة العين واضاءه تحت الحاجب انا شخصياً مش م محبين استخدام الكونتور ف استخدمت درجة البني الفاتح ك برونزر وباش الدمج يجي اسهل بعد كملت النقاط ع وجهي بخيت م منعش للبشره م انقلوت ولكن ف حالة عدم توفره عادي تقدرو تستخدمو مية الورد باش يسهل عليكم عملية الدمج طبعا تقدرو تدمجو بفرشه او ب اسفنجه كل حد وطريقته انا عن نفسي ندمج ب الاسفنجه؛؛ 
  • في حالة تبو اديرو كريم اساس ديروها قبل م تستخدمو الاضاءه والكونتور او تقدرو تدمجوها مع الكونتور والهايلايتر يعني تحطو منها لما اديرو ف الكونتور والهايلايتر ولكن م تستخدمو كريم الاساس فوق الكونتور والهايلايتر لان ح تخفي كل الي درتيه؛؛ 

  • وسعره ف حدود 130دينار ليبي.

  • وح نحطلكم روابط م موقعي للشرح بالتفصيل ع استخدام مصححات الالوان البشره والهايلايتر والكونتور؛؛

  • شرح مفصل ع انواع خافي عيوب والمصححات

 

  • تعليم الكونتور والهايلايت لتحديد ملامح الوجه وإبرازها 1
  •  تعليم الكونتور والهايلايتر بطريقة مبسطة 2

  • وبس برنسيساتي اتمني الافاده للجميع دومتم متآلقات اوووهبكم اموووواااه

 

 

 

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Wordpress Development Company
error: Content is protected !!