طريقة بخاخ مرطب للوجه [مثبت مكياج منزلي]

مسائكم صقوعي بنوتاتي ومداماتي الطرفونات؛؛
حبيبات قلبي بوست ع طريقة بخاخ مثبت ومنعش ومرطب للوجه؛؛

442

  • طبعاً المكونات سهله وبسيطه زي م عودتكم والبخاخ هذا مكوناته يناسب جميع انواع البشره فائدة البخاخ هذا يرطب وينعش البشره وتقدرو تستخدمو حتي ك مثبت مكياج؛؛
  • المكونات هي مية ورد اي نوع متوفر عندك
    +
    جل الصبار+زيت الشاهي الاخضر+زيت الجلسرين؛؛
  • الطريقه هي ملعقه صغيره م جل الصبار مع 3قطرات زيت شاهي اخضر وزيت جلسرين في حالة كانت بشرتك دهنيه اما في حالة بشرتك جافه ديري 6قطرات م كل زيت وبعدين اضيفي عليهم مية الورد ع حسب كبر علبة او شيشة البخاخ بعدين ترجي الشيشه او علبة البخاخ كويس كويس باش تتخلط كل المكونات مع بعض؛؛
  • طريقة الاستخدام عن نفسي انا نستعمل فيه الصبح نرش البخاخ ع كل وجهي وبعدها نمسح بقطنه لان نكون حاطه كريم ترطيب ف لليل وبعدين نغسل وجهي بالغسول ونستعمل فيه ف الليل قبل النوم نرش م البخاخ ونمسح وجهي بقطنه وبعدين نحط كريم الترطيب امتاعي طول بدون م نغسل وجهي تاني بالغسول لان توا ف الشتاء بشرتي تتحسس بزياده ف نغسل ف وجهي مره واحده ف اليوم بالغسول هي الصبح فقط وطبعا انتم تقدرو تستعملوه م مره لمرتين ف اليوم ع حسب استخدامكم؛؛
  • ف حالة استخدمتوه قبل المكياج او كريم ترطيب ح يرطب بشرتكم وينعشها ولو استخدمتوه بعد المكياج ح يثبت المكياج ويعطيكم لمعه حلوه للوجه؛؛
  • وطبعا مدة صلاحيته تقعد عادي حتي شهر ونص م فيش مشكله ولا المواد تسببلك اي مشاكل لبشرتك؛؛
  • بالنسبه للزيوت ومية الورد متوفره ف جميع العطريات اما بالنسبه لجل الصبار هذا م ماركة كرستان لي رووووووعه بجد وننصحكم بيه وتقدرو تستخدموه ك مرطب بروحه للوجه وقبل المكياج عادي انا نستخدم فيه مرات حتي لترطيب ايديا خفيف وبسرعه يمتصه البشره سعره 17دينار شريته م صفحة هي مندوبه لشركة كرستن لي وهذا رابط صفحتها في حالة تبو تشرو منها راسلوها ع مسجات الصفحه  https://www.facebook.com/SaraArabwomen
    او راسلوها ع الفايبر سارة 0925232553

وبس جميلاتي اتمني الافاده للجميع دومتم متآلقات اوهبكم اموووااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Media Integration by Acurax Wordpress Developers
error: Content is protected !!