ريفيو كريم ترطيب ماركة [كرستان لي ] لليدين والقدمين

جمعه مباركه بنوتاتي ومداماتي الطرفونات؛؛
حبيبات قلبي بوست خفيفون ع كريم ترطيب لليدين والقدمين م ماركة كرستان لي؛؛

441

  • بالنسبه لكريم الترطيب لليدين م ماركة كرستان لي بصراحه م توقعت ابدا نتيجتها هكي م اول استخدام حسيت بفرق شاسع لان نوعية بشرتي خاصةً ف الشتاء تتحسس حتي م الميه العاديه تصيرلي حساسيه وجفاف رهيب ولكن لما جربت الكريم هذا ليا حوالي توا 20 يوم نستخدم فيه فرق السماء ع الوطآ حتي التحسس والجفاف الي عندي كله تحول وملمس ايديا بدا ناعم لدرجة ف النهار استغنيت ع كريم ترطيب مش محتاجه بجد روووعه وننصح كل واحده عندها جفاف وقشور وخشونه ف يديها بسبب الميه السخونه او المنظفات تستخدمها ومش ح تندم وح تشوف الفرق م اول استخدام تقيمي ليها 9م10؛؛
  • طريقة استعمالها هي ترطبي ايديك ف لليل قبل النوم وع فكره بسرعه يمتصها الجلد قوامها كريمي يعني م تخليش اثر زيتي ع ايديك وسعرها ب18 دينار ليبي؛؛
  • اما بالنسبه لكريم ترطيب القديمين حتي هي روووعه وترطب بعمق خاصةً الي يعانو م التشققات ف القدمين ح تفيدكم هلبا هلبات وطريقة استخدامها حتي هي ف لليل ترطبي بيها رجليك وتلبسي شخشخير=(جوارب) وح تشوفو الفرق ف النعومه تقيمي ليها 8م 10 وسعره ب27دينار ليبي؛؛
  • خديتهم م صفحة هي مندوبه لشركة كرستن لي وهذا رابط صفحتها في حالة تبو تشرو منها راسلوها ع مسجات الصفحه  https://www.facebook.com/SaraArabwomen
    او راسلوها ع الفايبر سارة 0925232553

وبس جميلاتي اتمني الافاده للجميع دومتم متآلقات اوهبكم اموووااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Customized Social Media Icons from Acurax Digital Marketing Agency
error: Content is protected !!