كريم طبي لترطيب العيون [ماركة داقت أند رامسدل]

مسائكم وردات بنوتاتي ومداماتي الطرفونات؛؛
حبيبات قلبي بوست خفيفون ع كريم ترطيب للعيون؛؛

437

  • الايام الي فاتت خديت كريم ترطيب طبي للعيون م ماركة داقت أند رامسدل الامريكيه للامانه انا اول مره نجربها الماركة هاذي ولكن تقيمي ليها روعه بجد عجبني ترطيبها تحت العيون قوامها كريمي ولما تحطيها خفيفه ع الاخر وتمتصها البشره بسرعه الحلو ف الموضوع ان ترطيبها مائي مش زيتي يعني تحسي المنطقه مربطه وتقدري تستعملي فوقها مكياج عادي يعني لما عندك شوية تجاعيد وتبان اكثر لما بديري خافي عيوب او كريم اساس ننصحها تحط كريم ترطيب قبل باش تتفدا تجاعيد وتكتلات الخافي تحت عينها؛؛
  • انا نستخدم فيها مره لترطيب تحت عيني قبل النوم او نستخدم فيها قبل المكياج؛؛
  • تقيمي للكريم 10/10 لان طبي وجودته حلوه وسعره احلا 20 دينار ليبي للعلم انه الماركات الطبيه ديما اسعارها غاليه بس الماركة هاذي طبيه ولكن تعتبر م ماركات الدرق ستور يعني الرخيصه؛؛
  • خديتها م الوكيل نفسه للماركة هاذي م شركة الجمال والصحه للعلم قالولي انه البضاعه هاذي جايبينها بسعر دولار القديم والبضاعه الجديده الي جايه ح تكون اغلا لان بسعر الدولار الجديد فلهذا حبيت نستغل الفرصه وانزلكم البوست توا باش اي واحده تبي كريم ترطيب طبي للعيون وسعره مناسب تاخد منه؛؛
  • ملاحظة مهمه انه الماركه هاذي ف تاجر جاب منها ف سنة 2012 وطاحت صلاحيتها بس لان م هانت عليه البضاعه حول منها ستيكر الصلاحيه وبدا يبيع فيها ارخص ف محلات المكياج فلهذا انتبهوا لما تبو تشرو منها تآكدو م وجود ستيكر الصلاحيه او اشروها م وكيل للضمان اكثر؛؛

وبس جميلاتي اتمني الافاده للجميع دومتم متآلقات اوهبكم اموووااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Responsive Web Designing Company
error: Content is protected !!