مساؤ جمال بنوتاتي ومداماتي الطرفونات،،
حبيبات قلبي بوست ع اهم استخدام ف المكياج؛؛
- صورة البوست فيها 4خيارات هي الحواجب او المسكره او الهايلايتر او الروج لو خيروك م بين 4الخيارات هاذي شني الشي الوحيد الي تستغني عليه وم تستخدميش بشكل يومي ف مكياجك كل واحده فيكم تعلقي تحت 3خيارات اساسيه عندها ف المكياج وتقولي الاختيار الي تستغني عليه؟؟
- بالنسبه ليا انا اهم شي عندي ف المكياج والي اول شي انركز عليه ف الميكب او لما نشري مكياج هو الهايلايتر=الاضاءه عندي اهم شي ف الميكب كله واكيد بعضكم الي يشوف ف صوري مركز انه اكثر شي نحبه الهايلايتر وعندي عادي م نحطش مكياج واندير هايلايتر وبعده مباشرةً الروج انا اي ماركة نبي نشري منها اول حاجتين نشوفهم الهايلايتر والروج وضروري نجربهم هما اول حاجه بصدق وحتي اغلب احمر الخدود الي عندي يكون فيه هايلايتر ههههه مهوسه بجد لان الاضاءه هي الي بتعطي فوكس او تركيز ع الوجه وتحسي الوجه منتعش ومشرق ع طول والحاجه الي ممكن نستغني عليها وم ندورهاش ابدا وحتي شرائي فيها قليل هي المسكره م نعدلش عليها هلبا وعادي جداً نستغني عليها؛؛
- بالنسبه ليا احلا هايلايتر او اضاءه لسنة 2016 هو باليت البلوقر الاجنبيه carli Bybel م ماركة بي اتش كوزمتك بجد لحظة صمت ع قوة الوان الظلال والهايلايتر رررهيييبه هو باليت=علبه فيها 15 لون ظل منهم مطفي ومنهم بلمعه وفيهم 4الوان م الاضاءه بصدق قوة الالوان خرافيه واكيد ح يكون افضل اضاءه جربتها ف2016 الباليت هذا اعطهولي صفحة (هديه) باش نجربه ونعطي رآئي فيه بنقوللهم تقيمي10/9 وبالفعل مش خساره حد يدفع فيه فلوس لان ح يكسب ظلال واضاءه اي بنوته تبي اضاءه قويه وضلال حلوه ف باليت واحد ننصحها بيه وبقوه واصلا حتي سعره مناسب لان لو بتحسبيها بتاخدي اضاءه بروحها ح تكلفك لان اسعار الهايلايتر ديما غاليه خاصةً الي جودتها حلوه؛؛
- في حالة تبو تشرو منه الباليت هذا رابط صفحة (هدية)
وبس برنسيساتي اتمني الافاده للجميع دومتم متآلقات اوهبكم اموووااه..
