قناع الطين الهندي

[فوائد القناع الهندي للبشره والشعر]

مسائكم جمال بنوتاتي ومداماتي الحلوات؛؛
حبيبات قلبي بوست هذا انطلب مني هلبا واني نعطي رآئي ف القناع الطين الهندي وح نقوللكم فوائده م جميع النواحي؛؛

434

  • اول شي القناع الهندي هذا م اشهر الاقنعه ف موقع الامازون واي هيرب هو م ماركة ازتيك سيكريت يتكون م طين بنتونيت الكالسيوم طبيعي 100% وفوائده يساعد ع امتصاص الزيوت والاوساخ والمواد الكيميائيه المتراكمه ع البشره يطهر البشره م كل الجراثيم وينظفها تنظيف عميق يعالج حب الشباب بجميع انواعه يشد البشره ويقلل م الرؤس السوداء والبيضاء ويضيق المسامات الواسعه و يفتح تصبغات الحبوب؛؛
  • وكاتبين ع العلبه انه مناسب لجميع انواع البشره عادي ولكن انا ننصح بيه اكثر شي اصحاب البشره الدهنيه والمختلطه والي متعرضه لحبوب ديما ح يساعد ع تنشيفها وتخفيفها اكيد؛؛
  • طريقة استعماله ع حسب م مكتوب ع العلبه انه يستعمل بكمية متساويه م خل التفاح العضوي والطين يعني لو درتي ملعقه طين اديري ملعقه خل وركزو قلت خل التفاح العضوي يعني ينفع استخدامه للبشره لان يكون طبيعي100% مش زي الخل الي نشرو فيه م المحلات ونضيفو فيه للاكل ؛؛
  • انا اليوم استعملته بطريقتي خديت ملعقه صغيره م طين الهندي+مية ورد+سيروم زيت الورد الخليط يكون قوامه وسط حطيته ع وجهي خليته لمدة15 دقيقه بعدين غسلت وجهي حسيت بنضاره وبشد ف بشرتي ولكن سببلي احمرار خفيف لان بشرتي حساسه بس بعدين تحول عادي م سببليش اي جفاف لبشرتي ولكن انا حطيت مرطب ك العاده؛؛
  • طبعاً هو يستعمل للبشره الدهنيه والمختلطه20 دقيقه اما للبشره العاديه والحساسه م5/10 دقايق؛؛
  • قناع الطين الهندي يستخدم لكل انحاء البشره سواء للوجه او للجسم والناس الي عندها حب شباب ف الظهر والاكتاف تقدر تستخدمته وح ينفعها اكيد مع الاستمرار عليه يستخدم مره واحده ف الاسبوع سواء للوجه او للجسم وكحد اقصي يستعمل مرتين ف الاسبوع؛؛
  • لو بتستمرو وبنتظموا عليه بالفعل يجيب نتيجه معاكم لان نعرف كدا بنوته افادها بس زي م قلت يبي استمرار مش اديريه مره وتوقفي؛؛
  • بالنسبه لفوائده لفروة الشعر هو ينظف فروة الشعر ويعالج القشره ويحول اي روائح مزعجه بسبب تراكمات منتجات كيميائيه ف شعرك تقدري تستخدميه للشعر مع خل التفاح وتحطيه ع فروة الشعر كآنك بتصبغيه تخليه حتي نص ساعه واغسلي وتقدري ويستخدم مره ف الاسبوع؛؛
  • ملاحظة مهمه انه لما تخلطوه حطوه ف صحن بلاستيك او مرش وابتعدو ع الصحون الالمانيوم او المعدن لان يتفاعل معاها؛؛
  • القناع هذا اعطهولي صفحة هديه متوفر وتبيع فيه هذا رابط الصفحه ف حالة تبو تشرو منه
    @gift.and.more21
     
    https://www.facebook.com/%D9%87%D8%AF%D9%8A%D8%A9-%D9%88%D…/

وبس جميلاتي اتمني الافاده للجميع دومتم متآلقات اوهبكم اموووااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Floating Social Media Icons by Acurax Wordpress Designers
error: Content is protected !!