أرخص مزيل مكياج ـ ريفيو منشفة ازالة المكياج

مسائكم فلات بنوتاتي ومداماتي الوردات؛؛
حبيبات قلبي بوست ح يعجبكم اكيد خاصةً البخيلات الي م يحبوش يمسحو مكياجهم ويرقدو بيه؛؛

429

  • بنقوللكم ع منشفة او فوطة ازالة المكياج انا سميتها المنشفه السحريه هاذي وظيفتها هي ازالة المكياج اي كان نوعه ضد الميه او العادي بصراحه رووووووعه خديت منها قطعه وقلت نجربها وتجربتي كانت فضيعه بجد وح نزيد نشري منها اكيد؛؛
  • طريقة استعمالها بسيط جدا هي تبليها بالميه وتعصريها وتمسحي مكياجك بيها كله ح يتحول عادي انا استخدمتها هي بدون مزيل قلت نجربها بالفعل مسحت كل المكياج ع وجهي حتي الايلاينر والمسكره اي نعم مسحاته وكنت امدايره روج مطفي وثابت حتي هو مسحاته بدون اي مزيل مكياج بصراحه روعه ننصحكم تاخدو منها مش ح تندمو ابداً؛؛
  • الناس الي زي حالتي بشرتها تتحسس م مزيلات المكياج اكيد ننصحها بيها غير انه سعرها مناااااااسب جداً 15 دينار القطعه وهذا بالفعل ارخص مزيل مكياج لان توا اقل اقل مزيل مكياج بتشريه م25 دينار فما فوق فلهذا وفري فلوسك وخودي منها غير انه الناس الي تبخل انه تمسح مكياجها وترقد بيه هاذي مناسبه ليها لان ح تمسحي وجهك وتقدري تحطي بعده كريم ترطيب لوجهك لانك مسحتيه بالميه كآنك غسلتيه غير لما تستعملي مزيل مكياج ضروري تغسلي وجهك بعده وقصه طويله عريضه انا بروحي كنت نعاني منها؛؛
  • وللعلم انه تقدري تغسليها عادي وتستعمليها مره تانيه وثالثه ورابعه عادي جداً فلهذا ح توفري تشري مكياج وتوفري تستهلكي قطن ف مسح المكياج؛؛
  • انا عجبتني بجد وحبيت انفيدكم بيها لان لقيتها رخيصه وجودتها ممتازه يعني انا م نديرش ف دعايه ابدا وشريتها بفلوسي زي الناس الي بتشريها؛؛
  • خديتها م شركة الجمال والصحه عنوانهم ف زاوية الدهماني في جنب مطعم القصر اللبناني وعندهم صفحة ع الفيس اسمها(شركة الجمال والصحه) وعندهم حتي توصيل ف حالة م تبوش تمشو تاخدوها م المقر نفسه؛؛

وبس جميلاتي اتمني الافاده للجميع دومتم متآلقات اوهبكم اموووااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Responsive Web Designing Company
error: Content is protected !!