مسائكم جمال بنوتاتي ومداماتي الطرفونات؛؛
حبيبات قلبي ريفيو ع اسفنجات دمج الميكب ح يفيد الجميع؛؛
- طبعا وراء اي كريم اساس حلو ع الوجه اكيد بيكون دمجه صحيح ومتساوي سواء كان الدمج بفرشه او ب اسفنجة انا عن نفسي نحب نحط الاساس بفرشه بعدين ندمجه ب اسفنجة يعطي شكل ناعم ومتناسق ومش مشقق او مخطط فلهذا الدمج الصحيح مهم جداً لكريم الاساس؛؛
- اكيد عارفين اسفنجات المكياج الماركات المشهوره كلها غاليه يعني مثلا زي اسفنجة ريل تكنيك سعرها وصل م35/45 للعلم اسفنجة ريل تكنينك دمجها حلو ولكن بسرعه تفتفت غير انه اسفنجة بيوتي بلندر حتي هي يوصل سعرها ل50 دينار واسنفجة انقلوت حوالي35 مع انهم اسفنجات حلوات ف الدمج ولكن سعرهم غالي خاصةً المستخدم العادي مش ملزم يشري اسفنجة مكياج طرف واحد بالسعر هذا؛؛
- به الحل الوسط والي ديما انقوللكم ديرو انكم تشرو منتجات بسعر كويس وجوده ممتازه يعني شغلوا ذكائكم ف الموضوع؛؛
- اسفنجات لوكس بيوتي جربتهم وكان دمجهم رائع غير انه فيها 5اشكال واحجام تقدري تدمجي بيها المنتجات الي تكون باودر والمنتجات الي تكون كريميه تقدري تستخدميها جافه او مببلوله ف حالة تبي الاساس امتاعك فل كفر=تغطيه عاليه استخدميها جافه وفي حالة تبي تغطيه وسط او خفيفه استخدميها هي مببلوله بصراحه كانت تجربتي معاها حلوه وناعمه ع الاخر ورطبه غير انه يجي معاها ديزدان صغيرون وسعر 5اسفنجات مناسب 65 دينار انا لما صاحبة صفحة هديه كلمتني اني انجرب منتجات اتشجعت لان بصراحه اسعارها مناسبه ومش مستغله ومنتجاتها اصليه وصاحبة الصفحه قمة الذوق فلهذا م فيش مانع اني نزل بوست ونذكر صفحتها لان بالفعل ح تفيد غيري ف حالة تبو تاخدو منتجات مكياج اصليه واسعار مناسبه؛؛
- اي بنوته ادور ف اسفنجات دمج مكياج سعرهم مناسب وجودتهم حلوه وكدا شكل اكيد ننصحها بيهم هلبا؛؛
- في حالة عجبكم الريفيو وتبو تشرو منهم هذا اسم الصفحه ع الفيس [ هدية وأكثر Gift & more]
وبس برنسيساتي اتمني الافاده للجميع دومتم متآلقات اوهبكم اموووااه..
