جمعه مباركة بنوتاتي ومداماتي الحلوات؛؛
حبيبات قلبي كل سنه وانتم طيبات ميلودكم مبروك وعدوكم مهلوك؛؛
بالنسبه للبوست مفيد لجميع انواع البشره وخاصةً الي تعاني م مشاكل التصبغات والمسام والجفاف؛؛
- قبل م نقوللكم ع مكونات القناع خلي نقوللكم ع فوائد اليقطين الي هي القرعه الحمراء للبشره والشعر والجسم بس اليوم ح نتكلم ع فوائدها الرهيبه للبشره طبعا القرعه الحمراء فيها جميع الفيتامينات المهمه للبشره منها فيتامين A,E,C,B6 وهاذو كلهم فيتامينات مضادات للآكسده الي يفيدو البشره م ناحية ترطيبها وتفتيح التصبغات غير انه فيها معادن مهمه منها المغنيسيوم والفوسفور والحديد وحمض الفوليك وطبعا تعالج تجاعيد البشره وتعطيها نضاره لان فيها اهم مركبين هما الكاروتينات والبيتا كاروتين فلهذا القرعه الحمراء كنز بالفعل للبشره وتقدرو تستخدموها بكدا طريقه؛؛
- اما بالنسبه لفوائد البيض للبشره يساعد ع اصلاح وتجديد خلايا البشره لان فيه بروتين ويرطب البشره ويعطيها نضاره لان فيه البوتاسيوم وطبعا يشد البشره ويعالجها م التجاعيد لان في ماغنسيوم وهو عنصر مهم لحيوية البشره غير انه ممتاز للمسام وتقدرو تستخدمو بكدا طريقه؛؛
- انا اليوم درت قناع اليقطين الي هي القرعه الحمراء طبعا تكون مطبوخة نص طبخة باش تقدرو تهرسوها مع دحيه=بيضه وشويه مطحون شاهي اخضر المقادير حسب احتياج وجهك وتخلطي كل المقادير م بعض وبعدين تحطي م القناع ع كامل وجهك و رقبتك وطبعا تستخدمو اي قناع ع بشره نظيفه باش بشرتك تستفيد اكثر بالقناع تخلوه لمدة 10 دقايق لين يجف تماما وتحسي وجهك تشد بعدين تغسلي وجهك وترطبيه بآي كريم ترطيب متوفر عندك؛؛
- طبعا تقدرو تستبدلو البيض بالزبادي الساده او بالحليب او بمية الورد؛؛
- نتيجة القناع هذا نضاره وترطيب وبشرتك تحسيها اتشدت وحلو انكم تستخدموه قبل يوم مناسبتك باش تاني يوم بشرتك تبدا نضره وصحيه وحتي الميكب يطلع احلا؛؛
- الماسك تقدرو تستخدمو فقط مرتين ف الاسبوع؛؛
وبس جميلاتي اتمني الافاده للجميع دومتم متآلقات اوهبكم اموووااه..
