مسائكم فلات بنوتاتي ومداماتي الوردات؛؛
حبيبات قلبي بوست ريفيو او تقيمي لآرواج المات م ماركة ايلف؛؛
- قبل م نبدآ في البوست عندكم تخفيض م تاج كوزمتك لشهر12 (10%) كوبون التخفيض جودالعرب يعني قولولهم م قروب جودالعرب ح يديرولكم 10% تخفيض ع المشتريات؛؛
- بالنسبه لتجربتي لآرواج ايلف المطفيات حلوه هما بنسل لب ستك يعني شكلهم ارواج قلم و عجبوني الارواج م ناحية الثبات حوالي ثباتهم 4ساعات غير انهم مش مطفيات هلبا لان فيهم فيتامينات A,C,E يساعد ع ترطيب الشفايف يعني قوامهم كريمي والحلو فيهم انه سهل استخدامهم لان مش زي الارواج الي تبدا مطفيه وجامده وصعب تستخدميه وصعب تحطي طبقه تانيه تعدلي بيها الروج هاذو شبيهات ب ارواج المطفيات م برجوا فليفيت والحلو فيهم م يتشققوا او يديرو طبقه مزعجه ع الشفايف بصراحه عجبوني والوانهم واضحه جداً تقيمي ليهم 9م10؛؛
- بالنسبه لدرجات الالوان الموزع جايبين3 درجات اتمنيت انهم جايبين اكثر م الدرجات هاذو وان شاءالله يجيبو درجات اكثر؛؛
- بالنسبه لدرجه رقم(1)هي Natural درجة اللون طبيعيه وامتاع استخدام يومي ف النهار للون نود ع وردي؛؛
- اما الدرجه رقم(2) هي Tea Rose درجة اللون حتي هي امتاع استخدام كل يوم ونهاري للون نود ع موڤ؛؛
- اما الدرجه رقم(3) وهاذي Rich Red اكثر درجه حبيتها للون يجنن احمر فلفي وللون هذا انا نعتبره اساسي ف المكياج وضروري يكون عند كل بنوته ومدام ويستخدم للون هذا ع اكثر م لوك ميكب وطبعا اللون يستخدم للمناسبات؛؛
وبس جميلاتي اتمني الافاده للجميع دومتم متآلقات اوهبكم اموووااه..
