ريفيو باودر إيلف [elf]

مسائكم فلات بنوتاتي ومداماتي الوردات؛؛

حبيبات قلبي بوست ع باودر م ماركة ايلف وح نقوللكم تجربتي وتقيمي ليها؛؛

425

  • قبل م نبدآ في البوست عندكم تخفيض م تاج كوزمتك لشهر12 (10%) كوبون التخفيض جودالعرب يعني قولولهم م قروب جودالعرب ح يديرولكم 10% تخفيض ع المشتريات؛؛
  • هو عباره عن باليت اي بمعني علبه فيها باودر+اضاءه+كونتور+برونز يعني الي تبي حاجه خفيفه ترفع معاها ف الشنطه وفيها كل شي اكيد الباليت هذا يناسبك حتي م شكله انيق وعجبني طريقة التعليب امتاعها نظام الفرديم سستم يعني تقدري تستخدميها حتي بعد م تكمليها لان العلبه تتفك وتركب م جديد؛؛
  • خلي نقولكم تجربتي مع الباودر بصراحه وللآمانه م توقعت ابدا ابدا ابدا النتيجه هاذي م ايلف قصدي عجبتني بجد اول شي ثابته وتمتص كل زيوت البشره و م تخليش وجهك يزيت حلو انك اثبتي بيها كريم الاساس او خافي العيوب ف نفس الوقت خفيفه يعني م تتكتلش معاك وتقدري تستخدميها لليومي عادي لانها خفيفه تغطيتها م لايت لميديم يعني م خفيفه لوسط ف حالة بتحطي طبقتين منها بجد عجبتني هلبا انا جربتها يوم كامل باش نشوف ثباتها وهل تتآكسد وتقلب ع رمادي او لا وفعلا النتيجه روعه ثابته و م قلبت ع رمادي ولا خلت وجهي يزيت تقيمي ليها 9م10؛؛
  • اتوقع اتناسب جميع انواع البشرات لانها خفيفه مش ح تسبب قشور للبشره الجافه ومطفيه مش ح تزيت ع البشره الدهنيه والمختلطه؛؛
  • بالنسبه لدرجة الكونتور والبرونز حلو حتي ف الاستخدام تقدري تستخدميه كونتور للوجه وظلال للعين والدرجه الهاديه تقدري تستخدميها ك برونز حلو وخفيف وعادي ف حالة بتستعمليه للميكب اليومي لان لونه مش اوفر ابدا؛؛
  • بالنسبه للهايلايت الي هي الاضاءه حتي هي حلو وخفيفه مناسبه لليومي لان لمعتها خفيفه وتعطي للوجه هلثي فيس اي نضاره للوجه اكثر؛؛

وبس جميلاتي اتمني الافاده للجميع دومتم متآلقات اوهبكم اموووااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Network Integration by Acurax Social Media Branding Company
error: Content is protected !!