قناع للهالات وتجاعيد تحت العين

مسائكم جمال بنوتاتي ومداماتي الجميلات؛؛
حبيبات قلبي وصفه خفيفونه للهالات وتجاعيد العين؛؛

422

  • وصفه سهله وبسيطه ومتوفره بس الي نبي نوضحه انه الوصفه هاذي ح تفيد الناس الي عندها هالات بسبب ارهاق او ارق ولكن مش ح تفيد الناس الي عندها هالات وراثيه او بسبب مرض عضوي؛؛
  • المكونات هي شرائح بطاطا+حليب الطريقه تاخدي طرف بطاطا وتقصيه اما شرائح بالطول او بالعرض او دوائر الي يريحك بعدين تحطيهم ف صحن غارق وتصبي فوقها حليب وبعدين ادخليها للفريز تجمد بعد م تجمد طلعيها تفتحي شرائح البطاطا المجمده م بعض وتاخدي كل يوم شريحة بطاطه تستخدميها للعيون الزوز؛؛
  • طريقة الاستخدام هو تعدلي ساعتك ع10 دقايق وتستخدمي شريحة البطاطا المجمده بالحليب بتمريرها تحت العين بالتبادل بين العيون الزوز مثلاً مررتي تحت عينك اليسار دقيقه العين اليمين تمرريها تحتها حتي هي لمدة دقيقه وهكذا لين يكملوا 10 دقايق ؛؛
  • وطبعا اكيد بيذوب الحليب ع وجهكم عادي ادهنو بيه وجهكم كويس للمسام ويشد البشره ويفتحها ويرطبها خلوه حتي ساعه عادي واغسلوا وجهكم وبعدها رطبوه؛؛
  • فوائد البطاطا ممتازه لانها فيها انزيمات ومضادات للاكسده تساعد ع تفتيح البشره فلهذا تفتح الهالات وتشد تحت العين هي والحليب طبعاً؛؛
  • طبعاً تقدرو ف حالة عدم توفر البطاطا تقدرو تستبدلوها بشرائح تفاح او شرائح خيار تقدرو اديرها بنفس الطريقه؛؛
  • تقدرو تستخدمو الوصفه3مرات ف الاسبوع؛؛
  • بالنسبه لترطيب تحت العين بعد م بتغسلوا وجهكم ترطبو تحت العين بزيت فيتامين e انا نستخدم ف النوع الي ف الصوره ولو عندكم اي ماركة تانيه عادي؛؛
  • ف حالة عدم توفر فيتامينe تقدرو ترطبو تحت العين بزيت للوز الحلو ممممممممتاز جداً للهالات وللتجاعيد تحت العين؛؛

وبس برنسيساتي اتمني الافاده للجميع دومتم متآلقات اوهبكم اموووااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Wordpress Development Company
error: Content is protected !!