مسائكم ورد بنوتاتي ومداماتي الحلوات؛؛
حبيبات قلبي وصفه ع السريع لكثافة الحواجب والرموش؛؛
- المكونات سهله وبسيطه هي زيت خروع+جل الصبار+فيتامين eالمقادير تاخدي م كل مكون ملعقه صغيره وتخلطيهم مع بعض ف علبة مسكرة نظيفه او اي علبه متوفره عندك؛؛
- انا استخدمت زيت الخروع الاسود متوفر عند شركة الجمال والصحه وبصراحه بالفعل جاب معاي نتيجه في شعري الحمدالله اما بالنسبه لفيتامين e انا عندي الكبسولات خديت4كبسولات كل كبسوله قوتها 200 متوفر ف الصيدليات ولكن ف حالة عندكم نوع تاني م فيتامين e عادي تقدرو تستخدموه وبالنسبه لجل الصبار ف حالة عدم توفره عندك استبدليه بزيت اللوز الحلو عادي م فيش اي اشكاليه؛؛
- طريقة الاستخدام يوميا تاخدي م زيت وتحطيه ع حواجبك اما بفرشة مسكرة نظيفه او بعود اوذان ونفس الشي للرموش؛؛
- ملاحظه في حالة عيونك حساسات م تستخدميه للرموش واستخدميه فقط للحواجب زي حالتي انا ح نستخدمه فقط للحواجب؛؛
- ملاحظة ثانيه الي امدايره تاتو ف حواجبها بنقوللها زيت الخروع مع الاستمرار عليه يحول التاتو ويبهت اللون يعني لو تبي التاتو قاعد م تستخدمي زيت الخروع؛؛
وبس جميلاتي اتمني الافاده للجميع دومتم متآلقات اوووهبكم امووواه..
