مسائكم ورد اخر الليل بنوتاتي ومداماتي الطرفونات،،
حبيبات قلبي بوست خفيفون ع طريقة سهله جداً لتنظيف الجسم م السموم؛؛
- اول شي نبي نقولكم شني معني كلمة ديتوكس واكيد سامعين بيه المصطلح هذا هو عباره عن خليط م الماء والفواكه او الخضروات او الاعشاب المفيده للجسم وتقدرو تستخدمو فيه اي انواع فواكه تحبوها او خضروات الي تفضلوها؛؛
- فوائده انه يعطي طعم للميه خاصةً الناس الي م تحب تشرب ميه هلبا الحركه هاذي تخليك تشربي كمية ميه اكثر غير انه ح يكون فيه فيتامينات الي تفيد الجسم لان حطيتي ف الميه قطع فواكه او خضروات وفي نفس الوقت خالي تماماً م السكر والسعرات الحراريه الي تسبب زيادة الوزن يعني تفيد حتي الناس الي تتبع ف نظام غذائي صحي او تبي تنزل وزنها غير انه يحسن م الجهاز الهضمي ف جسمك ويساعد ع ترطيب بشرتك ويعطيها اشراقه اكثر بسبب الفيتامينات الموجوده ف الخضروات والفواكه غير انه يساعد ع تخلص م ريحة العرق المزعجه لان الي بتشربيه او الي بتاكليه بيطلع ريحته ع العرق فلهذا فوائده هلبا هلبات ننصحكم تجربوه؛؛
- اليوم درت مكعبات ثلج ديتوكس الحركه هاذي ح تساعد الناس البخيله ههههه الي م عندهاش وقت كل يوم بدير ديتوكس فلهذا مش ح نخليلكم فرصه ابداً تتسبلوا؛؛
- المكونات سهله وبسيطه وتقدري تغيرها براحتك ع حسب الذوق درت قطع زنجبيل مع قطع برتقال مع عرقين نعناع وعصير ليمون ريحتهم مع بعض ف ست البيت وبعدين حطيتهم ف مكعبات الثلج وع طول ف الفريز ولكن امتاع مكعبات الثلج لبسوها بكيسة لحم باش النكهه م اضيعش؛؛
- وتقدري كل يوم تاخدي مكعبين منه تحطيهم ف ميه باردة وتشربيهم او ميه سخونه وملعقه عسل وتشربيه يعني كآنه مشروب ساخن ويساعد هلبا الوقايه م نزلات البرد؛؛
وبس غالياتي اتمني الافاده للجميع دومتم متآلقات اوهبكم اموووااه..
