طريقة مطحون الشاهي الاخضر

مسائكم جمال بنوتاتي ومداماتي الطرفونات،،
حبيبات قلبي بوست خفيفون ع فوائد وطريقة مطحون الشاهي الاخضر؛؛

416

  • اول شي فوائد الشاهي الاخضر الي ديما نحب انزلكم اقنعه بكثره عليه لان مممممممتاز للبشره فيه كل مضادات الاكسده الي تساعد ع تفتيح واشراقة البشره وتخفيف تجاعيد غير انه فيه فيتامين ب واملاح وبوتاسيوم وماغنسيوم وحمض الفوليك والمركبات هاذي كلها مفيده جدا جدا للبشره وللشعر وللجسم غير انه استعماله غير مضر بتاتاً لان نبات طبيعي وما فيه اي اعراض جانبيه ع البشره؛؛
  • انا ع طول ندير ف شاهي الاخضر زي البودره الناعمه باش تستفيد بشرتي بيه اكثر ويساعدك ع استخدامه؛؛
  • طريقته ساهله جداً هو تاخدي شويه م الشاهي الاخضر اي نوع متوفر عندك وتطحنيه كويس كويس ف ماكينة وبعدين تغربليه كويس باش تضمني انك خديتي مطحون شاهي اخضر صافي بدون قش او تراب؛؛
  • ليه عدة استخدامات ف الاقنعه للوجه وللشعر وللجسم تقدري تخلطيه مع حليب او زبادي ساده او مية ورد تقدري تاخدي منه شويه وتخلطيه مع غسولك اليومي او المقشر الي تستخدمي فيه وتقدري تخلطيه مع شامبو الجسم امتاعك وتستخدميه وتقدري حتي تخلطيه مع شامبو الشعر وتستخدميه يستخدم بعدة طرق مفيده وانا ح نحاول كل مره انزيد انزلكم ااقنعه بيه باش تستفيدو اكثر؛؛
  • طبعاً ح يفيد بشرتك وخاصةً الي تعاني م حب الشباب والتصبغات والارق والارهاق ممتاز ليك اقنعة الشاهي الاخضر لان يطهر بعمق البشرة م الميكروبات ويتغلل لطباقات الجلد الداخليه غير انه ينظف بشرتك ويعطيها نظارة واشراقه رهيبه يساعد ع تآخير التجاعيد ويفتح البقع الداكنه وزوان الانف غير انه يساعد هلبا ف تقليل مسام البشره فلهذا عليكم انكم تستمرو وتخلو الشاهي الاخضر م ضمن روتين اهتمام بشرتكم بالمرتبه الاولي؛؛
  • غير انه مش مكلف زي الادويه والكريمات الطبيه وسهل الاستعمال يبي استمرار ع طول ولكن هو م اول استخدام لقناع الشاهي الاخضر تشوفي اشراقه حلوه ف بشرتك فلهذا م غير بخل منك ليها نشطي روحك لو بالفعل تبي بشرتك صافيه ومشرقه اهتمي بيها ع طول؛؛

وبس جميلاتي اتمني الافاده للجميع دومتم متآلقات اوهبكم اموووااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Animated Social Media Icons by Acurax Responsive Web Designing Company
error: Content is protected !!