مسائكم جمال بنوتاتي ومداماتي الطرفونات،،
حبيبات قلبي بوست سريع ع استخدام الفير الكيرلي للشعر؛؛
- اكيد كلكم لما تبو اديرو فير لشعركم تبدو فاشلين وتقولو ايح شني بيديرنا شعرنا خاصةً كان عندك مناسبه وانا واحده منكم ولكن ف طرق تسهل عليك استخدام الفير الكيرلي لشعر؛؛
- الطريقه الاولي انك بعد م تجففي شعرك وتجبديه ب الاستشوار تقيميه فوق كله مع بعض وشديه بتوكه وبعدين ابدي لفي بالخصله بالفير اتسهل عليكم هلبا الطريقه هادي خاصة الي شعرها طويل وبعد م بتكملي كل لف شعرك بالفير اثبيته بالاسبراي المثبت باش يقعدلك ثابت طول حفلتك؛؛
- اما الطريقه التانيه هي بعد م تستشوري شعرك خودي بالخصله ولفيها نفس صورة البوست وبعدين شدي بالخصله وحطي عليها الفير يسخن شوي وامشي للخصله الي بعدها وهكذا لين تكملي كل شعرك الطريقه هاذي تنفع الناس الي م عندها الفير المولي امتاع الكيرلي ولكن عندها لاسترا عاديه تقدر ادير شعر كيرلي بكل سهوله او انك تضفري كل شعرك قرينات ونفس الشي اثبتيها ب لاسترا؛؛
- نصيحتي ليكم انه ممنوع تستخدمو الفير او الاسترا بشكل يومي لانها ادمر الشعر تماماً وتسببلكم تقصف فلهذا خلو استخدامها للمناسبات فقط؛؛
- لو بتسئلوني ع افضل سيروم رطوبه لشعر في كدا ماركة ممتازه وانا اخر استعمالاتي سيروم زيت الارغان روووعه وبالنسبه للإسبراي المثبت حتي هو امتاع ماركة لوريال حلو ولكن م تتقيدوش لان ف ماركات تانيه حلوه؛؛
- واخيراً قولولي ف التعليقات ع افضل سيروم رطوبه استخدمتوه وفير للشعر باش انا نستفيد وغيري يستفيد اكيده؛؛
وبس برنسيساتي اتمني الافاده للجميع دومتم متآلقات اوهبكم اموووواااه..
