مسائكم فل وياسمين بنوتاتي ومداماتي الطرفونات؛؛
حبيبات قلبي بوست خفيف ومفيد جداً لعلاج فروة الشعر م التساقط والقشره والفطريات؛؛
- مكوناتها سهله وبسيطه هي كركم صافي بدون اضافات مع خل والافضل يكون خل تفاح المقادير حسب احتياج فروة شعرك انا درت 2ملعقه كبيره م الكركم والخل ضفته لين بدا عندي الخليط وسط يعني تقدري تفرديه ع شعرك زي الصبغه؛؛
- طريقة استعمالها هي تدهنو بيها فقط فروة الشعر والجذور بحركة التدليك الدائريه لتنشيط الدوره الدمويه؛؛
- فوائد الكركم لفروة الشعر هلبا منها يعالج فروة الشعر ويطهرها م الالتهابات والاكزيما الي تسبب ترقق الشعر ويعالج حتي الثعلبه لان فيه مادة الكركمين وهادي الماده تحارب كل امراض فروة الشعر لانها مضادة للآلتهابات والحساسيه غير انه يعالج التساقط ويعالج قشرة الشعر الي تسبب تساقط و روائح مزعجه ف الشعر وطبعا الخل معروف لعلاج تساقط الشعر والقشره ويعطي لمعه رهيبه للشعر غير انه يخفف م افراز زيوت المزعجه خاصةً للشعر الدهني لان ع طول يعاني ويبان مزيت مش حلو؛؛
- تقدرو تستخدموها الوصفه م مرتين ل3مرات ف الاسبوع وخلوها ساعه قبل الدوش؛؛
- بالنسبه للشعر الجاف بدل الخل ادير كركم وزيت زيتون او زيت جوزالهند لان الخل ح يزيد يجفف اكثر الشعر الجاف؛؛
وبس جميلاتي اتمني الافاده للجميع دومتم متآلقات اوهبكم اموووااه..
