مسائكم جمال بنوتاتي ومداماتي الطروفات؛؛
حبيبات قلبي بوست خفيفون ومفيد للجميع وخاصةً الي يعانو م التقصف وهيشان الشعر والي يعانو م جفاف وعدم نظارة البشره ح يستفيد م البوست؛؛
- انا ديما نحاول كل نهاية اسبوع انشطكم شوي ب اهتمام ب بشرتكم وشعركم والي اندير فيه ماسكات للوجه او للشعر انزلكم فيه ع طول باش تتفكو م البخل وتتشجعوا اكثر؛؛
- اول شي ماسك الشعر مفيد جدا للناس الي ديما تشكيلي م انه الميش والسحب هلك شعرها سببلها جفاف وتقصف وهيشان وانه الشعره بدت باهته مش نظره وع طول انحذر فيكم م السحب والميش والتفتيح بس بعد م اديرو العمله تبدو تعلقوا ياجود ياجود فلهذا حبيباتي ارحمو شعركم واعتنوا بيه؛؛
- المكونات هي زبدة الشيا+قهوه نسكافيه ف حالة عدم توفر النسكافيه عادي استبدلوها بالقهوه العربيه المقادير بالنسبه لشعري قصير هي كاشيك=ملعقه كبيره م زبدة الشيا مع ملعقه كبيره م النسكافيه و ادبو المقادير مع بعض لو عندك مايكرويف او ع حمام مائي بعدين خلطو المكونات مع بعض وحطو الماسك ع شعركم ساعه قبل الدوش تقدرو تستعملوها الوصفه هاذي م مرتين ل3مرات ف الاسبوع؛؛
- طبعاً زبدة الشيا مممممممممتازه جداً لترطيب الشعر وعلاجه م التقصف وم اول استخدام ح تشوفي الفرق بعد م تجففي شعرك والنسكافيه تعطيك لمعه رهيبه وتعالج التقصف والهيشان؛؛
- تاني شي ماسك لترطيب ونضارة البشره هو حليب بودره اي نوع متوفر عندك مع مية ورد المقادير بالنسبه لوجهي كاشيك=ملعقه كبيره م حليب البودره مع ملعقه كبيرة مية ورد الخليط يكون وسط لا هو جامد ولا هو سائل تخلطو المقادير مع بعض وتحطوه ع وجهكم ورقبتكم بشرط يكون نظيف ومغسول باش القناع يستفيد بيه وجهك تقدرو تستخدمو الماسك هذا خاصةً الي عندها تصبغات م الشمس ونمش وجفاف البشره تستخدمه يوميا م فيش اي مشكله اما الي بشرتها تمام وتبي تعطيها نضاره م مره لمرتين ف الاسبوع؛؛
- يالله منك ليها نوضي نشطي روحك وديري ماسك لوجهك ولشعرك خلي يستفيد الي ديما يسئلوا ع سر نضارة بشرتي بنقوللهم لاني نهتم بيها ع طول سستم حياة مش يوم ونقعمز وكثرو شرب الميه مية جداً للبشره والشعر والجسم عامةً؛؛
- ملاحظه صغيرونه انه لو لون شعرك فاتح جداً استغني ع النسكافيه لان ح يغمق الشعر حاجه بسيطه واستخدمي زبدة الشيا بروحها؛؛
وبس برنسيساتي اتمني الافاده للجميع دومتم متآلقات ااووهبكم امووواااه..
