مسائكم جمال بنوتاتي ومداماتي الطرفونات،،
حبيبات قلبي بوست مفيد للجميع وسهل التنفيذ والمكونات؛؛
- فيما سبق منزله طريقتي للإعتناء ب بشرتي وذكرت فيها انه امدايره صابون دوڤ مع مية الورد قلت خلي نجدد ذاكرتكم ونشطكم للآهتمام ب بشرتكم غير انه ضفت عليه مكونات جديده؛؛
- الطريقه هاذي تنفع لجميع انواع البشره فايدتها تعطي نضاره وتفتيح للبشره رهيبه م اول اسبوع تشوفي نتيجه حلوه وحتي عضواتي في منهم جربها الطريقه هاذي يعلقولي وقالولي مشت معانا ميه ميه؛؛
- المكونات الاساسيه هي صابون دوڤ اي نوع متوفر عندك ومية الورد اما بالنسبه للمكونات الاضافه هي شاهي اخضر وفيتامين eف حالة عدم توفرهم عادي استغني عليهم؛؛
- التحضير هي تاخدي صابون الدوڤ تبشريه ع مبشرة م تستخدمش للآكل بعد م تبشريه زي م في صورة البوست تصبي عليه شويه مية ورد وادوبيه ف حمام مائي ع النار او في المايكرويف لو متوفر عندك بعد م يذوب يولي معاك زي الكريم حركيه كويس وضيفي المكونات امتاعك هي شاهي الاخضر وفيتامين e وتزيدي هلبا مية ورد لان كلها ح يمتصها الصابون عادي كثري لين يولي معاك الخليط كريمي زي الجبنه وخلطي كويس كويس وبعدين احتفظي بيه ف علبة نظيفه وخليه ع طول ف حمامك؛؛
- تستخدميه امتي ما بتغسلي وجهك مرتين ف اليوم صبح وقبل النوم ف لليل؛؛
- البشره الدهنيه او الي م تتحسس م لليمون تقدري تعصر معاه نصف ليمونه م فيش مشكله وتخلط المكونات كويس؛؛
- ملاحظة تقدرو تسبدلو فيتامين e بآي زيت عطري متوفر عندكم زي زيت جوزالهند مثلاً او الارغان او غيره م الزيوت المقدار الي تستخدميه ملعقه صغيره وبالنسبه للشاهي الاخضر خودو الحشيشه نفسها امتاع الشاهي اطحنوها تولي زي البودره وتاخدو 2ملعقه صغيره؛؛
- الطريقه سهله غير انها مش ح تكلفك اكثر م10دينار ليبي وطبعا مفيده جدا للبشره الناس الي م تحب الغسولات التجاريه وتحب الحاجات الطبيعيه اااكيد ح تستمر عليها وتعجبها؛؛
وبس برنسيساتي اتمني الافاده للجميع دومتم متآلقات اوووهبكم امووووااااه..
