مساؤ ورد بنوتاتي ومداماتي الطرفونات،،
حبيبات قلبي وصفه خفيفونه سهلة المكونات لتبيض الاسنان بآقل ضرر وتكلفه واكيد سامعين بيها م قبل سواء هاذي او امتاع الفحم او متاع الكركم؛؛
- اكيد كلكم عارفين تبيض الاسنان عند الدكتور او ف عيادات الاسنان مضره بعد وقت صح تعطيك ف الاول نتيجه مشاءالله بس بعدين تهلك المينه ويبدا عندك تحسس ف الاسنان؛؛
- الوصفه هاذي صح م تعطيك نتيجة تبيض الاسنان امتاع الدكتور لانها بمواد طبيعيه ولكن تعطيك لمعه ف اسنانك وتحول اي اصفرار سببه ترسبات الاكل؛؛
- انا نتكلم ع الناس الي اسنانهم لونهم الطبيعي حلو وم يستحقو يشموا لدكتور اسنان للتبيض ولكن ف حالات عندهم مشاكل وسنونها يبدآ لونهم الطبيعي اصفر مش حلو هاذو يستحقوا يمشوا لدكتور اسنان ويديرو تبيض تحت ارشاداته؛؛
- الوصفه مكوناتها:توست شعير+عسل تاخدو التوست تحمصوه ع النار لين يولي زي الفحمه نفس صورة البوست بعدين ترحوه ف ست البيت بعدين تغربلوه باش يبدا معاك بودره ناعمه م تجرح اسنانك بعدين تاخدو 2كاشيك=معلقة عسل وتخلطوه يبدآ معاكم زي العجينه قوامها وسط تحتفظوا بيه ف علبه نظيفه وتخلوها ف الحمام مش ح تفسد ولا ح يصيرلها شي؛؛
- بعدين تاخدو شويه ع فرشة الاسنان وتدعكو اسنانكم بالشويه لمدة 5دقايق بعدين تمضمضوا بالميه ك المعتاد؛؛
- تستخدمو الوصفه مره ف الاسبوع ولو اسنانكم حساسه مره كل 10 ايام مع الاهتمام اليومي لتنظيف الاسنان بالمعجون؛؛
- انا شخصياً نستخدم ف معجون كرست3دي او سنسوداين الي عندها معجون طبي وافضل م هاذو تكتبلي ف التعليقات باش نشري منه ونجربه؛؛
وبس غالياتي اتمني الافاده للجميع دومتم متآلقات اووهبكم امووواااه..
