مسائكم جمال وصحه بنوتاتي ومداماتي الطرفونات؛؛
حبيبات قلبي بوست خفيفون ع شامبو طبي بسعر رخيص وجودته كويسه؛؛
- طبعاً زي م معودتكم في بوستاتي انه البوست الي نزله نحاول نفيد بيه قدر الامكان م الناس وننظر ليه م جميع النواحي مادياً ومكان تواجده ف ليبيا؛؛
- بوست اليوم ع شامبو طبي ويعتبر م ارخص الشامبوات الطبيه لان زي م انتم عارفين الماركات الطبيه المعروفه كلها غاليه وخاصةً توا ف غلاء الاسعار الرهيب ف بلادنا؛؛
- اكيد عارفينها ماركة شيكو للاطفال تقدرو حتي انتم تستخدموها هتامبالنسبه لشامبو الشعر عادي وافضل بهلبا م التجاري لان خالي م المواد الي تضر الشعر زي سلفات لوريل الصوديوم والكحول والباربرين والمواد الملونه الي تهلك وتجفف الشعر وتسببله تقصف ديما لما بتشرو شامبو اقرو ع مكوناته باش تعرفوه اذا كان آمن ع الشعر او لا؛؛
- سعره 13.5 دينار ليبي متوفر ف اغلب الصيدليات الكبيره والصغيره؛؛
- ملاحظه الناس الي مدايره بروتين او كيراتين او اي نوع م علاجات الشعر المعتاد عليها تقدر تستخدمه الشامبو هذا بدون اي خوف انه يسحب المنتج م شعرها؛؛
- ملاحظه تانيه تقدرو اضيفو قطرتين زيت او فيتامين e للشامبو باش مايجفف الشعر هذا ف حالة م تحبو تستخدمو بلسم زي حالاتي للشعر منه يستفيد الشعر ويتغذي اكثر والحركه هاذي تقدرو اديروها مع اي شامبو شعر متوفر عندكم؛؛
- يعتبر بديل رخيص وممتاز لشامبوات البروتين لان شامبو المخصوص للبروتين او الكيراتين معروفه اسعاره غاليه؛؛
- في حالة تبو م ماركات الطبيه المعروفه والغاليه اكيد اولهم ڤيشي تعتبر م افضل الماركات الطبيه الي دارت منتجات للشعر؛؛
وبس جميلاتي اتمني الافاده للجميع دومتم متآلقات اووهبكم اموووواه…
