مسائكم جمال بنوتاتي ومداماتي الطرفونات،،
حبيبات قلبي بوست خفيفون ع مقشر وقناع الشوفان؛؛
- قبل مانقوللكم ع مكونات القناع نبيكم تعرفو فوائد الشوفان للبشره،،بس اكيد عارفين فوائد الشوفان الرهيبه حتي ك اكل لان فيه اهم العناصر الغذائيه منها البروتينات والاحماض الامينيه وحديد وفسفور وغيرها م الفيتامينات الموجوده فيه؛؛
- طبعاً فوائده للبشره ممتاز لعلاج المسامات و يعالج حب الشباب ويفتح البشره ويشدها ويعالج التجاعيد يخفف م الهالات السوداء ويقشر كل الترسبات الدهنيه ف المسام يعني يخلي البشره تلمع زي البيبي وتشوفيها النتيجه م اول استخدام؛؛
- هو يستخدم بكدا طريقه بس انا اليوم استخدمته بالطريقه هاذي هي مكونات شوفان اي نوع يتوفر عندك+عسل+سيروم زيت الورد لو مش متوفر عندك عادي استخدمي اي زيت عطري متوفر عندك او حتي زيت زيتون المقدار كاشيك=ملعقه صغير م كل حاجه يعني حسب احتياجك لوجهك ورقبتك؛؛
- تخلطوا كل المكونات مع بعض وبعدها تاخدو بالشويه واثبتوه ع وجهكم ورقبتكم تخلوه لين يجف وبعدها قشرو وجهكم بحركة دائريه خفيفه واغسلو بعدها وجهكم وحطو كريم ترطيب المعتاد عندكم ؛؛
- طبعا قبل استخدام القناع ضروري يكون وجهك نظيف والافضل تغسلي بميه دافيه قبل القناع باش تفتح المسام والقناع يدير مفعول اكثر للبشره؛؛
- تقدرو تستخدمو مره لمرتين ف الاسبوع عادي؛؛
- ملاحظة ف ناس تتحسس م العسل فلهذا الي بشرتها تتحسس م العسل تستغني عليه وتقدر ادير شوفان مع زبادي طبيعي؛؛
وبس وجميلاتي اتمني الافاده للجميع دومتم متآلقات اوووهبكم امووواه..
