مسائكم جمال بنوتاتي ومداماتي الطرفونات،،
حبيبات قلبي بوست خفيفون ع تركيب وازالة الرموش الاصطناعيه الناس الي تحب تركب رموش ح تستفيد م البوست؛؛
- صوره رقم (1) توضحلكم خطوات تركيب الرموش هي خطوات سهله وبسيطه لما تبي تركبي رموش اول شي ضروري تقيسي الرمش ع رمشك الطبيعي باش تاخدي قياسك الصحيح للرمش وتقصي اطراف الرموش الاصطناعيه تاني شي تحطي لصقة الرموش وتستني عليها لين تجف باش يلصق معاك طول الرموش يعني استني تقريبا 30 ثانيه وركبيه الرمش ابدي تركيبه م الوسط تبثيه بعدين تثبتي الاطراف يالنسبه لتركيب الرمش في ناس تركب فيها عادي ب ايديها وفي ناس تركب فيهم بالملقاط؛؛
- صوره رقم (2) هي طريقة ازالة الرمش الاصطناعي بدون مايسببلك ضرر ع رموشك الطبيعيه اول شي ماتجبدي الرمش الاصطناعي نفس شكل الصوره والا رموشك الطبيعيه ح تتنتف وللعلم الرمش لما يطيح صعب جداً ينمو م جديد فلهذا ضروري تحافظو ع رموشكم الطبيعيه اسهل طريقه هي تاخدي قطنه تبليها بمية دافيه وتحطيها ع عينك دقيقتين باش الرمش تتحول للصقه امتاعه بالشويه بعدين تاخدي قطنه تحطي فيها مزيل مكياجك وتحطيها ع عينك تاني ح تلقي الرمش يطيح معاك بروحه بدون ماتجبديه بقوة ف حالة ماعندك مزيل مكياج تقدري تاخدي شوية زيت زيتون او زيت جوزالهند وتمسحي بيه عيونك عادي؛؛
- انا الفتره هاذي امدايره بروحي مزيل مكياج واخده شويه م زيت الارغان وشويه ميه يعني الكميه مناصفةً ومخلطتهم مع بعض حطيتهم ف علبة فاضيه ونمسح بيه ف عيوني ولله ياسلام ماشي معاي وعيوني ما تتحسسش بتاتاً؛؛
وبس برنسيساتي اتمني الافاده للجميع دومتم متآلقات اوووهبكم ااامووواه..
