مساؤ جمال بنوتاتي ومداماتي الطرفونات،،
حبيبات قلبي بوست خفيفون ع قناع مفيد لجميع انواع البشره؛؛
- اكيد عارفين فوائد الكركم الرهيبه للبشره وشرحت عليها فيما سبق اكثر نبته طبيعيه ينصحوا بيها دكاترة الجلديه لعلاج التصبغات وحب الشباب والندبات هو الكركم لان معروف مبيض ومفتح طبيعي للبشره بدون مايسببله اي ضرر عكس كريمات التبيض تقدرو تستخدموه بكدا طريقه وبكدا قناع انا استخدمته اليوم مع حليب الحكه=المركز اي كان نوعه واكيد عارفين فوائد الحليب للبشره هي شد البشره وعلاج و وقايتها م التجاعيد ويعالج التصبغات يفتحها؛؛
- المقدار حسب استخدامك والكميه الي يستحقها وجهك يعني تقدري اديري كاشيك=ملعقه صغيره م كركم وكمية الحليب تكون اكثر م الكركم يعني الخليط يكون سائل شوي باش مايتكتل معاك الكركم؛؛
- الكركم هو الكركم الصافي بدون تخليط للبهارات انا شريته م العطريه وقولته نبي الصافي ديما يكون اغلا م المخلط بالبهارات لونه يكون اصفر عكس المخلط يكون لونه مايل لبرتقالي انا ديما ناخد ب3دينار ليبي ع قد استخدامي لان اندير فيه للآقنعه فقط؛؛
- وع فكره فيه كركم للبشره ينباع ف باكو صغير بس انشوف فيه مكلف تقريبا سعره ب5دينار وفي الزرف شويه يعني يكفيك مره واحده تقريباً وهو الكركم شجرة واحده فلهذا خودو امتاع الكيلوا افضلكم ارخص وكميته اكبر ونتيجه واحده؛؛
- استخدام قناع الكركم للناس الي عندها مشاكل ف بشرتها حب شباب تصبغات تقدر تستخدمه بشكل يومي عادي اما الي بشرتها كويسه تقدر تستخدمه مره ف الاسبوع لنظارة وتفتيح البشره وتخليه تقريبا 20 دقيقه ع الوجه يعني لين يجف و وجهك يتشحط اغسلي طول؛؛
- ف ناس تقولي يصبغ فيها الكركم بس انا ماصبغ نهائي ع بشرتي ولكن ف حالة غسلتي وجهك وقعد لون اصفر خفيف خودي قطنه فيها مية ورد وامسحي وجهك كله ح يمتسح معاك للون؛؛
- بالنسبه لإسفنجة التنظيف انا نستخدم فيها لإزالة الاقنعه لانها تحول كل بقايا القناع وف نفس الوقت ادير تقشير للوجه وللشفايف متوفره ف اغلب الصيدليات ومواد الزينه تجي مجموعه مع بعض تقريبا ب5دينار ليبي؛؛
- وع فكره اسفنجة التنظيف نستخدم فيها حتي لغسل الوجه نحط عليها شويه م غسولي ونغسل ف وجهي بحركه دائريه خفيفه تحسي بشرتك تتنفس وتنظفت بعمق خاصة بعد ماتمسحي المكياج وتغسلي وجهك بيها تنظف كل بقايا المكياج م ع بشرتك؛؛
- ملاحظه قبل استخدام اي قناع ضروري يكون الوجه نظيف وبعد استخدام اي قناع ضروري م ترطيب بآي كريم ترطيب متوفر عندك؛؛
وبس غالياتي اتمني الافاده للجميع دومتم متآلقات اوووهبكم اموووواااه..
