مسائكم ورد بنوتاتي ومداماتي الحلوات جمعه مباركة للجميع،،
حبيبات قلبي بوست خفيفون ع طريقة مقشر طبيعي وبآسهل المكونات؛؛
- طبعاً زي ما انتم عارفين انا نفضل المقشرات الطبيعيه ع المقشرات التجاريه لانهم اكثر فائده واقل تكلفه وظيفة المقشر واحده هي تجديد خلايا البشره وينظفها م الاعماق ويقلل م توسع المسام ويعطي نظاره رهيبه للبشره؛؛
- لو تحافظو ع تقشير بشرتكم ب انتظام ح تتخلصوا م اغلب مشاكل البشره الي هي المسام القشور الشحوب واكيد بعد كل تقشير تستخدمو كريم مرطب اهم شي باش ما يصيرلك اي جفاف؛؛
- فوائد السكر البني علاش قلت البني لان افضل ف تقشير خلايا البشره والسكر البني خام مش مكرر زي السكر الابيض غير انه السكر البني يحتوي ع السيلينيوم الي يساعد ع اتخاء الاعصاب وفيه عنصر الحديد ويحتوي ع مضادات الاكسده والمعادن زي الكالسيوم الي يساعد ف علاج البهاق؛؛
- انا درت امس تقشير لوجهي هي سكر بني+حليب حكه المقدار زوز2كواشيك=ملعقه كبار تخلطو المقادير مع بعض وتحطوه ع وجهكم بحركه دائريه خفيفه تخلوه 10 دقايق واغسلوا وجهكم وبعده ضروري ترطيب انا نرطب بكريم بيبانتين؛؛
- قبل اي تقشير او ماسك يكون وجهكم نظيف والافضل تغسلوا بميه دافيه باش المسام تستقبل اي ماسك او تقشير للبشره؛؛
- التقشير بالذات زي هذا يعتبر ثقيل ع البشره يستخدم مره ف الاسبوع؛؛
- طبعاً تقدرو اديروه بكدا طريقه مثلاً بديرو سكر وزيت زيتون عادي او زيت جوزالهند ولو مش متوفر عندكم سكر بني استبدلوه ب السكر الابيض عادي؛؛
وبس برنسيساتي اتمني الافاده للجميع دومتم متآلقات اوووهبكم امووووااااه..
