مسائكم ورد بنوتاتي ومداماتي الطرفونات،،
حبيبات قلبي بوست هذا نصائح وخاصةً للعرايس خليكم كل اذاااانً صاغيه ايوا؛؛
بنتكلم ع نقطه مهمه جداً لانها تواجهه فيا يومياً الالاف م التعليقات او ع مسجات الصفحه وهي الي يبدا عرسها قريب تجيني وتقولي ياجود الحقني كيف نصفي بشرتي كيف نحول التصبغات كيف نفتح الاماكن الحساسه كيف نكثف شعري وكيف انطوله وم هاذي الآسئله الالاف ولله ولا يقولولي انهم يبو توا توا توا الحل ف خلال اسبوع او اسبوعين او شهر لان عرسهم قريب؛؛
- وانا لما تجيني الاسئله هكي ف اللحظه هاذي نتمني روحي انكون المارد السحري الي يقدر يحقق كل طلباتكم ف ثواني ولله لإن تطلبوا مني في شبهه المستحيل علاش؟؟
- لان يا غالياتي الي تبوه كله يبي وقت م العلاج والاستمرار ف الاهتمام مش تتفكري تتهمي ب بشرتك فجآه لما عرسك قرب او لما مناسبتك غدوه لا يا بنتي غلط ولله غلط والي اتقولك غير هكي تنافق فيك وتكذب عليك؛؛
- يعني اي عروسه او حتي اي بنوته تبي تهتم بنفسها لين يجيها نصيبها تهتم ب بشرتها بكري وتوقف لعمرها بكري باش تلقي النتيجه الي تبيها بشرتك وشعرك زي الورد كل ما بتسقيه ميه وتهتمي بيه يعطيك جمال اكثر واكثر؛؛
- تعرفو سر الجمال وين اهم معايير جمال البنت ف صفاء ونقاوة واشراقة بشرتها واكيد ف كثافة وطول شعرها لان لما تبدآ عندك بشره صافيه معاش تخممي في شي حتي تكوني م غير مكياج تبدي قمر14 واي لوك مكياج يطلع عليك وعمركم ماتفكرو تغطو عيوب البشره بالمكياج حاولو تعالجو العيوب هاذي وتهتموا بيها لان المكياج ح يقعد ساعات وتغسليه وبترجعي لطبيعة بشرتك الحقيقه به شني الفايده؟؟؟ هنا حتي ثقتك تنهز بنفسك لان ماتقدري تطلعي بدون مكياج لمجرد عندك عيوب تبي تغطيها؛؛
- الي نبي نفهمه ليكم يكون اول تركيز للبنت انها تهتم بنفسها بشرتها شعرها جسمها ولو عندنا اي عيوب نعالجوها مانغطوها بالمكياج؛؛
- العرايس بالذات حبيبتي اهتمي ب بشرتك وشعرك لنفسك قبل العريس لان صدقيني كل ماتهتمي لنفسك وتشوفي النتيجه ح تتشجعي اكثر واكثر ع الاهتمام بنفسك؛؛
- لو عنده اي امراض جلديه تصبغات حب شباب اثار وغيره نمشوا لدكتور ونعالجوها لان العلاجات هاذي الكورس متاعها ديما تجيب نتيجه بعد 3 او 6 او 9 شهور او حتي سنه ف الحالات المتآزمه يعني تبي وقت وصبر واستمرار ماتتفكري فجآه وكله ف مره واحده تبيه يتحول هذا م المستحيلات لان مافيش علاج او قناع طبيعي ح يعالج بشرتك او شعرك ف يوم وليله الا اذا كان مصباح علاء الدين ف حاله هاذي ينفذ طلبك ف الحال؛؛
- وديما خلوها ف بالكم وراء كل بشره مشرقه اهتمام وم اساسيات الاهتمام هادي هي اديري روتين يومي لنفسك تنظفي بشرتك مرتين ف اليوم بغسول مناسب لبشرتك وترطبيها قبل النوم اما الروتين الاسبوع هو نستخدمو قناع للوجه مرتين ف الاسبوع+ استخدام التقشير مره ف الاسبوع لان يساعد ف تجديد الخلايا وتنظيف اعماق البشره اما الروتين الشهري هو استخدام بخار للوجه ضروري منه باش تراكمات كل الزيوت المترسبه تتحول وما تتوسع المسام ولا تطلعلكم حبوب+شرب الميه الكميه الي تكفي اجسامنا لو تحافظو ع النظام هذا بشرتكم ح تكون راااايقه ونظره ع طول؛؛
- ح نحطلكم روابط م موقعي لتجهيزات العروس؛؛
- قائمة تجهيز العروس [مكياج]
- قائمة مشتريات العروس بالكامل
وبس برنسيساتي اتمني الافاده للجميع دومتم متآلقات اااوهبكم امووواااه..
