مسائكم ورد بنوتاتي ومداماتي الطرفونات،،
حبيبات قلبي بوست خفيفون ع نوع فرشه جديد جربته وعجبتني؛؛
- للامانه البوست ح يفيد اكثر ناس الي مهتمه جداً بالمكياج يعني زي البلوقر والارتست والي يشتغلوا ف الشغله هاذي لان نوعاً ما الفرشه م وجهة نظري مكلفه ع المستخدم العادي غير انها تعتبر م الكماليات مش م الاساسيات للمستخدم العادي؛؛
- فرشة هاذي بصراحه لما مشيت لآنقلوت و شفتها للامانه عجبني شكلها الغريب لانها م قدام سيلكون زي البلاستيك مافيهاش شعر زي الفرش التانيه بصراحه لفتني الشكل وقلت بنجربها هي وظيفتها فقط اتحطي بيها القلتر الي هو ظلال الي يكون نوعه رش زي الصوره مصممينها سيلكون باش تلقط القلتر وماتخليه يطيح زي الفرش التانيه التصميم هذا ماشفته ف الماركات التانيه ماعاد ريل تكنيك امدايرين فرشة سيلكون بس امتاع ايلاينر؛؛
- بصراحه استخدمتها وعجبتني هلبا ف الاستخدام مريحه وع طول تحط القلتر بشكل صحيح بدون ما يطيح؛؛
- رقمها s 45 سعرها (55) دينار ليبي وهي كيف جابوها انقلوت الفتره هاذي يعني م البضاعه الجديده تعتبر؛؛
- البنوتات الي مهتمات بالميكب والي تشتغل ف المجال هذا ح تفيدها اكيد هلبا ف شغلها بالنسبه للمستخدم العادي انقولك وفري الفرش الاساسيه لو ماعندكش لان زي ماقلت هادي تعتبر فرشة كماليات؛؛
وبس برنسيساتي اتمني الافاده للجميع دومتم متآلقات اااوهبكم اااموووواه..
