أفضل شركة زيوت للشعر [سني آيل]

معرض الصور
4 صور
أفضل شركة زيوت للشعر [سني آيل]
382

لمكافحة إنتشار الشيب والقشرة

أفضل شركة زيوت للشعر [سني آيل]
383

جوز الهندي لقوة ونعومة الشعر

أفضل شركة زيوت للشعر [سني آيل]
384

لطول وكثافة الشعر

أفضل شركة زيوت للشعر [سني آيل]
385

لشعر صحي ولامع

لعلاج تساقط + حكه + شيب الشعر

 مسائكم جمال بنوتاتي ومداماتي الطرفونات؛؛

حبيبات قلبي البوست مهم ومفيد للجميع لان انتم طلبتوا مني اندورلكم افضل شركة زيوت مصنعه للشعر ع مستوي العالم وانا ك العاده استجبت ليكم؛؛

381

  • طبعاً تجيني اسئله منكم يومياً بالالاف اغلبها تبي علاج لشيب او لتقصف او لتساقط الشعر وديما تسئلوا فيا ع افضل ماركة زيوت بالفعل ادير نتيجه للشعر وفي نفس الوقت تكون اسعارها معقوله؛؛
  • استشرت كدا حد متخصص ف المجال هذا ولقيت شركة الجمال والصحه هي الوكيله لآفضل شركة زيوت ع مستوي العالم (سني آيل) ومشيتلهم وشرحتلي بالتفصل د.صفاء المسؤوله ع وظائف الزيوت هاذي وب تعليمات م الشركه الآم؛؛
  • ماركة سني آيل هي م افضل الشركات العالميه المصنعه للزيوت علاش لانها تستخلص ف الزيوت ع البارد ف الزيت وفي الحاله هاذي الزيت يحتفظ بكل خصائصه ويعطي فائده اكبر ليه وم النادر جداً جداً تلقوا شركة زيوت تصنع ع البارد لان استخلاص الزيوت ع البارد ح تكون كميته قليله جداً عكس الشركات الي تستخلص ف الزيوت ب استعمالهم الحراره يعطي كميه اكبر ف استخلاص الزيوت ف شركة سني آيل  الأمريكيه ف جمايكا مقرها الرئيسي ميامي ويتم استخلاص الزيوت غادي وهي واخده تصريح انها م أفضل الشركات اللي تصنع ف الزيوت الخام ع مستوي العالم لإنها معتمدة للمقاييس العالمية؛؛
  • بالنسبه لهمنا كله وهو تساقط الشعر اول شي ضروري نديرو تحليل دم باش نحددو اذا كانت العله داخليه او خارجيه بس ف حالة كان عندنا نقص ف فيتامين معين معناها ناخدو علاج عباره عن فيتامين ويكون ب استشارة دكتور+ العنايه الخاريجيه وهي حمامات الزيوت الاسبوعيه؛؛
  • اما بالنسبه للتحاليل الي ضروري ااديروهم باش تعرفو عندكم ضعف او لا هو تحليل
    ـ مخزون الحديد (ferritin) فيتامين دال(vitd)
    ـ زنك(zinc) الغدة الدرقية (Tft) ديرو التحاليل هاذي وتآكدو انه اموركم الداخليه سليمه او عندكم ضعف تاخدو مقويات وفيتامينات؛؛
  • وبالنسبه لعلاج الخارجي بالزيوت لما بديرو حمام زيت ح يكون اسبوعي م مرتين ل3 مرات ف الاسبوع واديروه يكون الشعر نظيف باش يستقبل الزيوت وتقعدو بيه الشعر الجاف ساعه والشعر الدهني نص ساعه كافي واغسلي واي زيت تستعمليه يمس فروة الشعر ضروري تغسليه ف نفس اليوم ماترقديش بيه لان لو رقدتي بالزيت ح يتنقع جذور الشعر و يوسع المسام ويسبب تساقط للشعر ويفضل انه لما تدهني شعرك ك حمام زيت البسي اما بونيه الي هو طاقيه البلاستك او حتي كيس نايلون باش يسخن ويتغلل اكثر داخل جذور الشعر والافضل تستخدمو لغسل الشعر شامبو طبي وارخص شامبو طبي هي ماركة تشيكو امتاع الاطفال لان مافيشي سلفات افضل م جونسون؛؛
  • اما توا بنشرحلكم ع زيوت ماركة سني آيل وفوائدها نبدو بالمهم؛؛
  1. اول زيت الي هو صوره رقم (1) هو زيت الخروع الاسود البيور يعني الخام والمركز جداً والخروع الاسود فقط موجود ف جمايكا هذا يعالج تساقط  الشعر والحواجب والرموش بالدرجه الاولي طريقة استخدامه هي يستخدم ك قناع اسبوعي مرتين ف الاسبوع يقعد ع الشعر الدهني نص ساعه اما الشعر الجاف ساعه كامله واغسلي وطبعاً زيت الخروع مركز خففيه بزيت جوز الهند العضوي الي يكون صالح للآكل افضلك لعلاج تساقط الشعر والي عندهم ثعلبه ف الشعر الافضل ياخدو ثوم الذكر م العطريه وتنقعوه ف زيت الخروع يوم كامل وخففوه شوي بزيت جوز الهند طبعاً مممتاز للتساقط ويعطيكم كثافه ررررهيبه للشعر؛؛
  2. تاني زيت الي هو صوره رقم(2) هو زيت اكليل الجبل مع الخروع هذا الزيت يعالج الشيب يعني يقلل م ظهور الشيب ف الشعر ويحافظ ع صبغة الشعر الطبيعيه ولكن الي طلعلها الشيب ولونه ابيض مش ح يرجعلك لونه م جديد بس الشعر او الشيب الي بيطلعلك جديد الزيت هذا يوقفه غير انه يعالج التساقط لان مخلط بالخروع ويطهر فروة الشعر م اي فطريات او قشره لان زيت الاكليل يعتبر م الزيوت المطهره الطبيعيه طريقة استخدامه حتي هو يستخدم ك ماسك اسبوعي مرتين ف الاسبوع نص ساعه ع الشعر الدهني وساعه ع الشعر الجاف وتغسلوا شعركم بشامبو طبي؛؛
  3. ثالث زيت هو صوره رقم (3)هو زيت الارغان الخام الناس الي ديما تسئل فيا ع افضل ماركة زيت ارغان انقوللكم خودو م الماركة هاذي لانه مش مخفف بزيوت تانيه زي الماركات التانيه طبعاً يستخدم للشعر وللبشره يعالج التقصف يعطي لمعان وهذا تقدرو تستخدموه عادي بعد الدوش يعني بعد الدوش ويكون شعرك مببلول تاخدي قطرات وتدهني بيه شعرك بس مش م الجذور لان ح ترقدي بيه يعني قيسو شبرين م فروة الشعر وادهنو عادي وقلت تدهنوه مببلول باش يحافظ ع رطوبة الشعر اكثر والطنتوشات مايطلعوش علاش ماقلتش تستعملوه ك حمام زيت لان مكلف حجمه صغير فلهذا استخدموه بعد الدوش؛؛
  4. رابع زيت هو صورة رقم(4)هو زيت جوزالهند العضوي الخام ممتاز للشعر وللبشره يعالج التساقط والتقصف يعطي لمعان وحيويه للشعر تقدرو تستخدموه ك حمام زيت ف الاسبوع او بعد الدوش عادي تاخدو قطرات وتدهنو شعركم لما يكون مببلول؛؛

 وبس برنسيساتي صح بوست طويل وتعبت ف ترتيبه تعمدت نتكلم بالتفصيل باش يكون واضح للكل اتمني الافاده للجميع دومتم متآلقات اوووهبكم امووواه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Network Widget by Acurax Small Business Website Designers
error: Content is protected !!