تفتيح تصبغات الجسم [كريم طبي ـ سكينورين]

[الوجه + الاماكن الحساسه + اليدين +الاكواع]

كريم طبي سكينورين ” أآمن كريم لتفتيح “

378

مسائكم معطر بذكر الرحمن بنوتاتي ومداماتي الطرفونات؛؛
حبيبات قلبي بوست مفيد للجميع وهو بخصوص اكثر موضوع ننسئل فيه يومياً م الالاف وهو تفتيح التصبغات الجلديه سواء كان م حب شباب او تراكم طبقات م الجلد ف الاماكن الحساسه تابعو البوست بس اقروه كويس؛؛

  • اول حاجه بوست هذا طبي وبإستشارة م دكتوره جلديه صديقتي د.مريم طه؛؛
  • قبل ما نبدآ ف البوست الحامل والي ترضع والي تبي تحمل قريب ممنوع تستخدم الكريم هذا حفاظاً لإي مضاعفات للجنين؛؛
  • كريم سكينورين الي هو ف الصوره لونه برتقالي هذا أآمن كريم للإستخدام لمعالجة حب الشباب وتصبغات البقع والكلف والمناطق الحساسه؛؛
  • كريم سكينورين هو يعتبر نوع م المضادات الحيويه الموضعيه والمركب الاساسي فيه [الحمض ازيليك اسيد20%] وهو علاج لحب الشباب والتصبغات الجلديه بمعني يمنع نمو البكتيريا الي تسبب حب الشباب ويقلل م نمو خلايا الكيراتين الجلد السطحيه الي تسبب ف انسداد المسام والتهاب الناتج م حب الشباب؛؛
  • طبعاً كريم سكينورين يستعمل ك كريم تفتيح لأثار الحب او الكلف او التصبغات الجلديه الي تكون ف الاماكن الحساسه او ف الاكواع او ف الركب او تحت الابط لان يقشر الطبقات الجلديه الزائده فلهذا يساعد ف عملية تفتيح التصبغات والدكاتره يوصفو فيه مع عدة كريمات مقشره ومفتحه للتصبغات زي كريمات فيتامين سي او الكوجيك اسيد في حالة الكلف كان عميق بس الكريمات هادي ضروري تاخديها ب استشارة دكتور؛؛
  • كيف تستعملوه الكريم لتفتيح البشره بصفه عامه ضروري يكون المكان الي بتستخدمي فيه الكريم مافيش اي التهابات جلديه يعني يكون مكان التصبغ جاف مش متحسس باش تتفادو اي تحسس جلدي؛؛
  • طبعاً ف حالة كانت عندك تصبغات زي البقع تاخدو م الكريم حاجه بسيطه وتحطوه فقط ع مكان البقع ف الوجه او اي مكان ف الجسم اما ف حالة كان وجهك كله فيه تصبغات طبعاً بتغسليه كويس ويجف بعدين حطي م الكريم بالشويه ع وجهك وخليه فقط 30 دقيقه واغسلي هذا لتفادي التحسس والجفاف الي ح يسببه الكريم يستخدم مرتين ف اليوم ولكن ف حالة بشرتك حساسه يستخدم مره واحده فقط ف لليل واكيد ما تطلعوش بيه للشمس وف حالة استخدمتو الكريم هذا اكيييييد قبل ما تطلعوا م البيت تحطو واقي شمس؛؛
  • في حالة تفتيح الاماكن الحساسه وتحت الابط والاكواع تاخدي كمية بسيطه وتحطيها فقط ع مكان التصبغ وتستعمليها ف لليل فقط باش تتفادي الحراره وضغظ الكوجينه ف النهار يعني حطيه وقعمزي استني نص ساعه واغسلي وبعدها ضروري ترطبي لان يسبب شوي جفاف؛؛
  • مدة علاجه او نتيجته تبان ديما م بعد 15 يوم استخدام او شهر الاول للعلم مايستخدمش اكثر م 6شهور؛؛
  • افضل كريمات مرطبه للبشره طبيه ومافيها اي خوف اكيد كريمات بيبانتين وتقدرو تستخدمو للوشن الي هو مرطب الجسم م بيبانتين؛؛
  • ملاحظه القصد م التفتيح هو تفتيح التصبغات الجلديه الي ناتجه عن مرض جلدي يعني مايغيرش لون البشره الطبيعيه مثلاً واحده بشرتها سمراء م ربي ف مستحيل الكريم هذا او غيره يديرلها حل ممنوع تستعملوه لتفتيح ارهاق تحت العيون او لتفتيح الشفايف؛؛
  • تحذير صغيرون بالنسبه لتفتيح الاماكن الحساسه ردو بالكم تستخدمو اي انواع مقشرات كيميائيه الموجوده ف العيادات زي الماسي او الكرستالي لان صرف فلوس ع الفاضي وح يزيد الطين بله ولا لليزر ينفع لتفتيح الاماكن الحساسه ولا حقن وحبوب التبيض كلهم دوووووه فاضيه وليهم مضاعفات مهوله ع البشره؛؛

وبس برنسيساتي اتمني الافاده للجميع دومتم متآلقات اااوووهبكم اموووواه؛؛

  • ح نحطلكم روابط م موقعي ع فوائد كريمات تانيه للبشره؛؛
  • فوائد سودو كريم للبشره.

  • انواع بيبانتين كريم وفوائدها للبشره.

  • أنواع فوسيدين كريم وفوائدها للبشرة

  • توضيح فروقات الكريمات لتسهيل اختياركم مايناسب انواع البشره.

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Media Integration by Acurax Wordpress Developers
error: Content is protected !!