مساؤ ورد بنوتاتي ومداماتي الطرفونات،،
حبيبات قلبي بوست سريع ع تجربتي مع اساس انقلوت نوعه يو اس ام،،
- قبل مانبدآ ف البوست الناس الي بتقولي اديري ف دعايه ياريت مافيش داعي منه الكلام لاني نشري زيني زيكم بالزبط ولكن حبيت نفيدكم؛؛
- الاساس هذا نوعه يقولو خفيف بس ع العكس تماماً لما جربته انا نوعه مش خفيف وانما تغطيه امتاعه ميديم كفر يعني وسط وتقدري تبني عليه طبقه تانيه يولي معاك فل كفر يعني تغطيه عاليه زي ماشرحت ف الفيديو؛؛
- تجربتي معاه حلوه بس الي بشرتها دهنيه هلبا تستخدم تحته بيس وضروري اثبته بالباودر لان ح يزيت معاك بعد ساعتين من استخدامه ولكن لو استخدمتي فوقه مثبت مكياج زي الفكس امتاع كريولاين او انقلوت او غيره من الماركات ح يثبت معاك طول الوقت؛؛
- درجة اللون الي اخترتها انا 51 تعتبر غامقه ع بشرتي نوعاً ما مش لون بشرتي جاي لونها ع اصفر حلوووووه للتصوير يعني البلوقر او الارتست الي يصورو ديما ننصحهم يجربوها ح تفيدكم الدرجه هادي؛؛
- مع العلم انا بشرتي تعتبر بارده وشفافه حتي عروقي يبانو وصافيه تماماً فلهذا نختار ف درجات الصفراء باش تعطيني اضاءه وتحول اي شحوب من بشرتي والمكياج الي انحطه يطلع حلو والوانه قويه لان بنقوللكم معلومه لما تاخدي اساس اغمق من بشرتك بدرجه او درجتين الوان الضلال اي كانت لونها ح تطلع عليك احلا من لما تحطي اساس فاتح وهذا عن تجربه مني ومن كدا ارتست او بلوقر؛؛
- انتم تقدرو تجربو ف المحل درجات تانيه تناسب لون بشرتكم بس ابتعدو ع الوان الي تكون افتح منكم لان ح تقلب ع رمادي؛؛
- وسبب الرئيسي انه صورت فيديو ونزلتكم بوست هو الناس الي تسئل فيا ع كريم اساس بسعر مناسب ويكون تغطيه امتاعه حلوه هو سعره 37دينار ليبي لان بصراحه زي ماقلتلكم ف الفيديو درت لفه ع المحلات الكارثه انه ماركات ع اساس درق ستور رخيصه اسعارها نار الله الموقده مش حقها ابداً ولكن ممكن بسبب ارتفاع الدولار كان الله ف عونا جميعاً؛؛
- ح نحطلكم روابط من موقعي يساعدكم كيف تختارو لون ونوع كريم الاساس ع حسب نوع البشره؛؛
- شرح مفصل ع اختيار كريم الاساس حسب اندرتون البشره
-
طرق اختيار كريم الاساس المناسب لكل أنواع البشره
-
طريقة اختيار كريم الاساس للبشره الجافه
-
طريقة اختيار كريم اساس للبشره الدهنيه
-
طريقة اختيار كريمة الاساس1
-
اختيار لون الاساس2
-
اختيار لون الاساس3
وبس جميلاتي اتمني الافاده للجميع دومتم متآلقات اووهبكم اموووواه..
