تقشير الجسم

مسائكم ورد بنوتاتي ومداماتي الطرفونات،،
حبيبات قلبي بوست سريع ع طريقة تقشير ف البيت وبمكونات سهله وبسيطه ومفيده للجسم؛؛

364

  • قبل مانقوللكم مكونات التقشير اكيد عارفين فائدة تقشير الاسبوعي للجسم يوحد لون الجسم ويحول كل الطبقات المتراكمه الي ع البشره ويجدد الخلايا وطبعاً يرطب الجسم بشكل رهيب لان كل الطبقات المتراكمه من اتربه و اوساخ بتحوليها بالتقشير؛؛
  • اكيد ف انواع واشكال من التقشير سواء كان تجاري او طبيعي بس انا عن نفسي نفضل التقشير الطبيعي اكثر من التجاري للعلم فوائد السكراب او التقشير واحده ب اختلاف المكونات او الماركات وفي انواع من التقشير عميق وفي خفيف طبعاً العميق يستخدم مره ف الاسبوع ولكن الخفيف يستخدم حتي 3مرات ف الاسبوع لتقشير الجسم ؛؛
  • بالنسبه للتقشير الي درته يعتبر عميق لان يحتوي ع الملح والملح تقشير عميق جداً للجلد تحسيه ينظف ويحول ترسبات الجلد من القلب؛؛
  • مكونات التقشير هي:ملح الجسم للتقشير بنكهة الخيار متوفر ف اغلب العطريات ومحلات الزينه سعره حوالي 3/4 دينار ليبي+ مية ورد انا نستخدم ف النوع ماركة روز+ سيروم زيت الورد+ شامبو جسم؛؛
  • المقادير انا ندير حسب العين بس انتم تقدرو اديرو 2كواشيك= ملعقه كبار ملح التقشير+ كاشيك كبير مية ورد+ قطرات من السيروم+ كاشيك كبير من شامبو الجسم يعني الخليط يكون سائل باش تقدري تتدلكي بيه جسمك؛؛
  • البديل في حالة مش متوفر عندك ملح الخيار تقدرب تستخدمي الملح العادي يفي بالغرض وفي حالة مش متوفر عندك سيروم زيت الورد تقدرو اديرو اي زيت عطري متوفر عندكم الخزامي للوز الهند او زيت الزيتون؛؛
  • ف حالة بشرتك شديدة التحسس ماتستخدميش ملح لان ح يتحسس جسمك منه ولكن استخدمي بدل الملح قهوه او سكر بني؛؛
  • يستخدم مره واحده ف الاسبوع ويستخدم لتقشير الجسم فقط الوجه لا؛؛
  • اكيد بعد ماتستخدمي اي تقشير اهم نقطه هي الترطيب بعده ضروري ترطبو جسمكم والا يقلب بنتيجه عكسيه وهي الجفاف انا ديما ننصحك بكريمات بيبانتين او لوشن الجسم امتاع بيبانتين اكيد بيبانتين ح تقعد المفضله عندي مهما ما طلعوا من ماركات عالميه ولكن ف حالة مش متوفره تقدرو تستخدمو المرطب المتوفر عندكم عادي؛؛

وبس غالياتي اتمني الافاده للجميع دومتم متآلقات اوووهبكم اااموووواااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Media Icons Powered by Acurax Web Design Company
error: Content is protected !!