قناع لشد ونظارة وتوحيد لون البشره

[الكاكاو وفوائده العجيبه للبشره]

مسائكم معطر بذكر الرحمن بنوتاتي ومداماتي الطرفونات،،
حبيبات قلبي بوست مفيد للجميع وهو قناع لنظارة وتوحيد لون البشره وشد التجاعيد؛؛

361

  • قبل ما نبدآ في مكونات القناع الي درته بنقوللكم ع فوائد الكاكاو الرهيبه للبشره وانه من اغلا ماسكات الي تنباع جاهزه ف ماركات عالميه منها كلارنس سيفورا لورا مارسيه وكدا ماركة عالميه انتجت ماسك الكاكاو او الشكولاته،،
  • نبتة الكاكاو تحتوي ع بروتينات نباتيه مهمه تفيد تجديد خلايا البشره وتساعد ع تنشيط الدروه الدمويه واكيد يحتوي ع مضادات للآكسده منها مركب البوليفينول والكافين وظيفته الرئيسيه شد الجلد وتجديد خلايها ويعطي سماكه للجلد غير انه الكاكاو يحتوي ع عناصر مغذيه منها الحديد الكاليسوم والماغنسيوم والمنجنيز والبوتاسيوم الفسفور السلينيوم تخيلوا كل العناصر الغدائيه هاذي موجوده ف نبته واحده وهي الكاكاو يعني ننصحكم جداً ب استخدام قناع الكاكاو لتوحيد وتجديد خلايا الجلد ومكافحة التجاعيد تقدرو تستخدموه للوجه وللجسم عادي،،
  • طبعاً يستخدم بكدا طريقه وطريقه وع فكرة تقدرو تستخدمو بدل الكاكاو الشكولاته ولو كان مش متوفر هاذو الزوز استبدلوه بالقهوه لان شبه مركبات واحده وفيها مضادات للاكسده؛؛
  • مكونات القناع الي استخدمته سهله وبسيطه هي كاشيك=ملعقه صغيره من كاكاو ساده+مية ورد+ قطرتين من سيروم زيت الورد ولو مش متوفر عندكم عادي استبدلوه بزيت الزيتون خلطو كل المكونات مع بعض يكون الخليط وسط وطبعاً قبل ماتستخدمو القناع اكيد يكون الوجه مغسول كويس ونظيف باش المسام تستقبل القناع وتستفيد منه بعد ما تحطوه ع الوجه والرقبه خلوه مدة 10/15 دقيقه لين ينشف ع وجهكم بعد ما يجف تماما تحركي بصوابعك عن طريق التقشير بحركة دائريه خفيفه واغسلي وجهك بغسولك المعتاد بعدها ااكيد ضروري تستخدمو مرطب للوجه؛؛
  • الي بشرتها جافه تستخدم بدل مية الورد زبادي طبيعي او حليب لترطيب اكثر وتقدرو اضيفو عسل عادي ف حالة ماعندك تحسس من العسل؛؛
  • تقدرو تستخدمو الماسك هذا يوم بعد يوم ف حالة
    بشرتك فيها تصبغات او حروق الشمس ح يفيدك قناع الكاكاو بعلاج بشرتك ويعطيك نظاره رررهيبه من اول استخدام ح تلاحظيها؛؛

وبس غالياتي اتمني الافادهللجميع دومتم متآلقات اوووهبكم اااموووواه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Floating Social Media Icons by Acurax Wordpress Designers
error: Content is protected !!