فوائد الكركم [البزار]

مساؤ ورد بنوتاتي ومداماتي المزموزات،،
حبيبات قلبي بوست مفيد للناس الي عندها تصبغات وهالات وحب شباب وتجاعيد يعني مفيد للجميع؛؛

358

  • الكركم الي هو البزار بلهجتنا العاميه والكركم شجره واحده سواء الي يستخدم للجسم او للطبخ مافيش شجرة للكركم وشجرة لماسكات الوجه الفرق انه مابينه ومابين امتاع الطبخ كركم الي يستخدم ف الماسكات تشروه صافي بدون تخليط مع البهارات ولا لو بتاخدوه عودان وبترحوه ف البيت افضل وافضل ولكن متوفر ف العطريه الكركم الصافي واصلاً من لونه وريحته يبان الكركم او البزار الصافي يكون لونه اصفر اما الي مخلط بالبهارات يكون لونه اصفر محمر وع فكره هو موجود كركم الجسم ف العطريات بس بصراحه نحس فيه مكلف وحتي زرف كميه متاعه شوووويه فلهذا خودو امتاع الكيلوا افضلكم؛؛
  • طبعاً الكركم مشهورين بيه الهنود وسر جمال بشرتهم لان يستخدمو فيه ك ااقنعه وفي الطبخ يستعملوا ف كميات كبيره من الكركم لان ليه فوائد للجسم وللبشره؛؛
  • ﺗﺮﻛﻴﺒﺔ ﺍﻟﻜﺮﻛﻢ ﻳﺤﺘﻮﻱ ﻉ ﺍﻛﺜﺮ ﻣﻦ ﻋﻨﺼﺮ ﻏﺪﺍﺋﻲ ﺿﺮﻭﺭﻱ ﻭﻣﻔﻴﺪ ﺯﻱ ﺍﻟﺒﺮﻭﺗﻴﻦ، ﺍﻻﻟﻴﺎﻑ ﺍﻟﻐﺬﺍﺋﻴﺔ، ﺍﻟﻨﻴﺎﺳﻴﻦ، ﻓﻴﺘﺎﻣﻴﻦC ، ﻓﻴﺘﺎﻣﻴﻦ E ، ﻓﻴﺘﺎﻣﻴﻦ K ﻭ ﻉ ﺍﻟﻌﺪﻳﺪ ﻣﻦ ﺍﻟﻤﻌﺎﺩﻥ ﻣﻨﻬﺎ ﺍﻟﺼﻮﺩﻳﻮﻡ، ﺍﻟﺒﻮﺗﺎﺳﻴﻮﻡ، ﺍﻟﻜﺎﻟﺴﻴﻮﻡ، ﺍﻟﻨﺤﺎﺱ، ﺍﻟﺤﺪﻳﺪ، ﺍﻟﻤﻐﻨﻴﺴﻴﻮﻡ ﻭﺍﻟﺰﻧﻚ؛؛
  • وطبعاً الكركم معروف مفعوله الرهيب ف تفتيح البشره ومعالجتها من التصبغات والحبوب وتقدرو تستخدموه ك قناع طبيعي بشكل يومي مافيه اي ضرر واكدو الكلام هذا دكاترة تجميل جلديه انه الكركم اقوي مبيض للبشره بدون اثار جانبيه لان اساساً علاج بالكركم موجود منذو الازل وف علاج طب النبوي الشريف؛؛
  • غير انه في اخر مؤتمر face للآطباء اتكلموا المبيضات والي يفتح البشره فعلاً هو الكركم اي انه دراسة وضحت تآثير الكركم موضيعاً ع البشره مرتين ف اليوم لمدة شهر يساوي تآثير كريم “هايدروكوينون4%” اتخيلو ومعروف معني اسم الكريم وتآثيره ف التفتيح وللمعالجة حب الشباب يعني الكركم من اقوي المبيضاات البشره وانه طبيعي ماعنده اي اثار جانبيه غير كريمات التبيض ليهم اثار جانبيه ع البشره ؛؛
  • فلهذا ننصحكم بيه ك قناع وبشده تقدرو تستخدموه بآكثر من طريقه للجسم وللوجه
  1. تقدرو اديرو قناع الكركم مع مية الورد بروحه عادي ك قناع للوجه وللجسم واماكن التصبغات،،
  2. تقدرو اديرو قناع الكركم مع الزبادي الساده للوجه وللجسم؛؛
  3. تقدرو ادير قناع الكركم مع العسل ممتاز للتصبغات خاصةً الهالات الي تحت العين؛؛
  4. تقدرو تستخدمو كركم مع دقيق او حليب البودره وشوية مية ورد؛؛
  5. تقدرو تخلطو الكركم مع شوية كريم جسم وتستخدموه لتفتيح الركاب والرقبه والاكواع؛؛
  • يعني الكركم يجي بكدا طريقه وطريقه وتقدرو تستخدموه ك قناع يومي خاصةً الي بشرتهم تعبانه وفيها تصبغات وحب شباب؛؛

وبس برنسيساتي اتمني الافاده للجميع دومتم متآلقات اووووهبكم اموووواه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Media Widget Powered by Acurax Web Development Company
error: Content is protected !!