[لمحاربة التجاعيد+تفتيح ونظارة البشر]
[د.اورغانك ـ dr organic ]
مسائكم ورد بنوتاتي ومداماتي الطرفونات،،
حبيبات قلبي حبيت انشاركم تجربتي مع السيروم العجيب هذا اسمه د.اورغانك ماركة طبيه وسعرها معقول؛؛
- تركيبة السيروم هذا من عدة زيوت وفيتامينات مفيده جدااااااً للبشره منها زيت الورد+زيت الارغان+ زيت الزهره+زيت الجوجوبا+زيت بذور القطن+زيت نخالة الارز+زيت للوز الحلو+زيت بذور عباد الشمس+ فيتامينe + فيتامينc يعني شوفو التركيبه العجيبه للسيروم كلها زيوت ممتازه للبشره تعالج التجاعيد والارق وتساعد ع تفتيح البشره وتعطيها حجم ونظاره؛؛
- فوائد السيروم هلبا هلبا منها ترطيب عميق للجلد يعالج التجاعيد والخطوط الرقيقه يعني يكافح الشيخوخه من الدرجه الاولي لان يعتبر مصل غني بالبروتينات والدهون الفوسفاتيه ومضادات للآكسده وأوميغا 3،6،9 يساعد ع عملية تجديد خلايا البشره ويعالج الجفاف ويساعد ع مرونة الجلد ويعيد حماية الجلد من الاكسده يساعد ع تفتيح البشره هذا بالنسبه الي مكتوب عليه ك نشرة طبيه؛؛
- تجربتي معاه حاولي توا نستعمل فيه مده شهر ونص اسبوع نستخدمه يومياً قبل النوم واسبوع نستخدمه يوم بعد يوم ك ترطيب لوجهي وطبعاً ف لليل قبل النوم بصراحه رووووووعه انا اول مره نجربها الماركة هادي بس عجبني هلبا وح نرجع نشري منه تاني اعطاني نظاره لوجهي وترطيب عميق ونحس ف بشرتي منعشه خاصةً انا نسهر هلبا ف افادني هلبا بصراحه ننصحكم اتجربوه مش ح تندمو:؛
- بالنسبه لطريقة الاستخدام انا قلتلكم طريقة استخدامي ولكن ح نقوللكم طريقة استخدامه بالنسبه لانواع البشره بالنسبه للبشره الجافه تقدر تستخدمه يومياً مافيش مشكله اما بالنسبه للبشره الدهنيه والمختلطه تستخدمه 3 مرات ف الاسبوع وتاخدي منه قطرتين فقط مش اكثر ترطبي وجهك كله وحتي تحت عيونك واكيد رقبتك وطبعاً قبل النوم ف لليل؛؛
- انا بصراحه نستخدم فيه حتي ف الاقنعه نحط منه قطرتين وحتي قبل المكياج او نخلط فيه مع كريم الترطيب او بي بي كريم يعطي ف لمعه رهيبه واكيد بنكون طالعه ف لليل مش ف النهار ونستخدم فيه حتي للشعر بعد نجفف شعري ناخد 3 قطرات ع كف ايدي وندهن اطراف شعري يعطي لمعه حلوووه وريحته تجنن؛؛
- سعره (25)دينار ليبي انا خديته من مده قبل شهر رمضان م صيدلية ذات الصواري؛؛
- صورتلكم فيديو للشرح اكثر ع طريقة استعمال السيروم؛؛
- وبس جميلاتي اتمني الافاده للجميع دومتم متآلقات اوووهبكم ااامووووااااه..
