‫‏خطوات تطبيق الاساس‬

مساؤ فل بنوتاتي ومداماتي الحلوات وصحه شريبتكم مسبقاً؛؛
حبيبات قلبي بوست مهم ومفيد للجميع وهو بناءاً ع سؤال عضوه معاي بصراحه كان مهم وحبيت انزل عليه بوست؛؛

13510825_288232718190946_2294853315538800678_n

  • س/كان ياجود تغطيه كريم ميبلين صح لايت يعني خفيفه بس سمعت انه لو درت منها طبقات ح تولي فل كفر يعني ثقيله هل صح او لا؟؟؟
  • ج/جوابي ليك صح كلامك بس في خطوات معينه اديريها باش يطلع معاك كريم الاساس فلولس يعني ناعم مش متكتل تابعي البوست؛؛
  • قبل مانبدآ ف بوست بنقول كل واحده وطريقتها ف حطت الاساس في الي تدمج ب ايدها ف الي بإسفنجه وفي الي بفرشه كل واحده وراحتها وكل طرق صحيحه ويستعملوا فيها اكبر ارتست ع مستوي عالم يعني ماتطلعلكم واحده تقوللكم لا هكي غلط وهذا صح ؛؛
  • بس نبي انقوللكم خطوات مريحه ومختصره ومفيده ليكم لما تبي كريم الاساس مايطلعش متكتل او مجير او قالب اللون ع رصاصي او يختفي بعد ساعتين:
  1. اول شي ضروري تكون بشرتك نظيفه وتكوني امدايره تنظيف لبشرتك من لليل وحاطه كريم ترطيب باش لما تنوضي الصبح تبدآ بشرتك رايقه وغير مرهقه؛؛
  2. تاني شي قبل ماتحطي كريم الاساس ضرووووووري من كريم ترطيب يناسب نوع بشرتك باش مايتكتل او يتقشر معاك الاساس واكيد بتختاري كريم او سيروم او جل مرطب يناسب نوع بشرتك؛؛
  3. ثالث شي انه تحطي مثبت مكياج او بما يسمي بالبرايمر او البيس وهو قاعده تحمي بشرتك وتخليها ناعمه وطبقه واحده وتعبي الحفر والمسام بس مايستخدم بشكل يومي لان يضر البشره؛؛
  4. رابع شي اختاري كريم اساس يناسب نوع بشرتك لو كانت دهنيه تكون خاليه من الزيوت لو كانت جافه تكون تحتوي ع ترطيب عالي ولو كانت حساسه تكون خاليه من العطور ومواد الي تحسس البشره؛؛
  5. خامس شي اختاري الاساس يكون نفس درجة بشرتك لا افتح ولا اغمق جربو الاساس ع الفك السفلي باش تكون درجة الاساس مطابقه للرقبه والوجه لو اخترتو لون الاساس افتح من لون بشرتك ح تقلب معاك ع رصاصي وتبان كآنك حاطه جير ولو اخترتوها غامقه ح تقلب معاك ع برتقالي اذا اختارو لون الاساس نفس درجة بشرتكم؛؛
  6. سادس شي وهادي نقطه مهمه لما تاخدو من كريم الاساس خودو بالشويه بالشويه وادمجو كويس ف حالة تحسو مازال تبو تغطيه اعلا زيدو كمية الاساس بالشويه وادمجو ف حالة هادي تسمي عند الارتست بالبلدنق (Building)يعني اعادة بناء الاساس ع طبقات مثلاً زي كريم اساس ميبلين فت مي معروفه تغطيتها من خفيفه لوسط بس لو تبيها ثقيله تقدري اديري منها طبقتين تولي معاك فل كفر يعني تحطي طبقه من الاساس ع وجهك وتدمجي كويس وتستني شوي تنشف بعدها تزيدي طبقه تانيه وتدمجي كويس كويس ح تعطيه تغطيه عاليه؛؛
  7. سابع نقطه عن رآئي الشخصي وطريقة استخدامي لتوزيع الاساس انه نوزع كريم الاساس يا إما بطرف صبعي او بالفرشه وبعدها ندمج فيها ب اسنفجة مكياج تكون رطبه يعني مببلوله باش تمتص كل كمية كريم الاساس الزايد عن بشرتي وتعطيني ملمس ناعم ومتناسق غير مشقق بتاتاً؛؛
  8. في حالة عندك تصبغات سواء هالات سوداء او اسمرار ف جوانب الانف والشفايف استخدمي مصحح لون يجي لونه ع برتقالي ديريه قبل الاساس باش يعطيك لون واحد لبشرتك وماتقلب المناطق الي فيها اسمرار ع للون الرمادي؛؛
  9. ف حالة تبي تغطيه عاليه لخافي العيوب هو انك توزعي كريم الاساس وتدمجيه وبعدين تحطي فوقه خافي عيوب الي هو يستخدم تحت العين وجوانب الانف والشفايف ولو ف حالة ف تصبغات او اثر حب وبعدها تدمجيه كويس؛؛
  10. واكيد بعد ماتوزعي الاساس وخافي العيوب وتدمجي كويس طبعاً بتجي اخر نقطه هي التثبيت ضروري اثبتيه ب باودر وانا ننصحكم تستخدمو البودره الشفافه الي تكون بدون لون ولكن اثبت كويس الاساس وخافي العيوب بدون ما تسبب تكتل او تخفي لون الاساس او الكونتور في حالة ماعندكم بودرة شفافه استخدمو بودرة الاطفال ح تعطيكم نفس النتيجه؛؛
  • ملاحظة ح نقوللكم افضل كريمات اساس ف ماركات درق ستور يعني الرخيصه هي
    (لوريال- ريميل لندن- برجوا- ميبلين- كفرقيرل- كريولاين-نيكس- ريفيلون- فلورمار وكدا ماركة مشكوره بس هاذو الي نفضلهم وفيه كدا خيار وكدا نوع لجميع انواع البشرات)
  • بالنسبه لآفضل كريمات الاساس لماركات الهاي اند الي هي غاليه عندكم (ماك- ميكب فورايفر- جورج ارماني-استي لودر- جفنشي- ديور- شنايل- نارس- توم فورد-بينفت وكدا ماركة ممتازه)

وبس برنسيساتي اتمني الافاده للجميع دومتم متآلقات اوووهبكم ااامووواه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Network Widget by Acurax Small Business Website Designers
error: Content is protected !!