ماسكات للشعر المتضرر [سحب للون]

صحه سحوركم بنوتاتي ومداماتي الطرفونات،،
حبيبات قلبي بوست سريع ع افضل زيوت و وصفات للشعر المتضرر من سحب للون والصبغات؛؛

و

  • اول شي بديريه لشعرك الي انهلك من السحب والميش والصبغات انك تحاولي تقصي كل الاطراف المهلوكه والمتضرره باش تتجدد الشعره وتتنفس؛؛
  • تاني شي لما بديري اي ماسك لشعرك سواء كان زيت او كريم او وصفه طبيعيه ضروري يكون شعرك نظيف باش لما تحطي الماسك يستقبله شعرك ويفيد جذور الشعر؛؛
  • ثالث شي لما بديري ماسك حاولي تلبسي طاقيه نايلو بعد الماسك وتحطي فوطه دافيه ع شعرك باش ينفتحوا المسام ويتغلل الماسك كويس ف فروة الشعر؛؛
  • رابع شي ف انواع من الماسكات او الوصفات الطبيعيه فيها ريحه قويه زي الوصفه الي تكون فيها دحي=بيض او زبده او ثومه ع قد ماتغسلي ماتتحولش الريحه ف الحل انك بعد ماتغسلي شعرك اخر غسله لشعرك تاخدي شويه بيكربونات صودا امتاع الحلويات ع كف ايدك وخلطيها بالشامبو امتاعك واغسلي شعرك او تاخدي شوية خلي تفاح تخففيه بميه ف مالقي وتمصمصي شعرك يحول الريحه غير انه مفيد ويعطي لمعه للشعر ويعالج قشره تماما اخر حاجه انك تاخدي شويه قهوه عربيه وتخلطيها مع شامبو وتغسلي شعرك تقضي ع كل الروائح وتعطي لمعه حلوه لشعرك؛؛
  • خامس شي انه تاخدو شامبو طبي مع البلسم امتاعه عندكم افضل ماركات طبيه هي فيشي لاروشيه بوسي كلارنس كلينك سيفر وكدا ماركه ممتازه؛؛
  • بالنسبه لآفضل الماسكات ح نقول كدا حاجه واختارو الي يعجبكم تقدرو اديرو كل شهر بماسك معين او اسبوع ب اسبوع ماسك الشعر او حمام الزيت تستخدموه من مرتين لـ 3 مرات ف الاسبوع قبل الدوش بساعتين؛؛
  1. اول ماسك ممتاز ومفيد ف حالة شعرك متضرر من السحب والميش هو ماسك زبدة الشيا اودبيها وتدهني بيها ساعتين قبل الدوش مرتين ف الاسبوع،،
  2. ماسك حمام زيت جوزالهند مممممممتاز جداً جداً للشعر استخدموه ك ماسك اسبوعي لشعرك،،
  3. زيت السمسم من اقوي الزيوت المقويه للشعر ويستجيب عليها الشعر بسرعه حتي هو تقدرو تستخدموه ك ماسك اسبوعي لشعرك،،
  4. عندكم حتي النسكافه تاخدو شويه نسكافيه تخلطوها بالميه وتستخدموها ك ماسك اسبوعي ممتاز للشعر تعطيه لمعه ونعومه رهيبه،،
  5. عندكم ماسك قشور الموز مع زيت الزيتون ترحوها ف خلاط وتستخدموه ك ماسك اسبوعي لشعركم ممتاز،،
  6. وماسك البروتين الطبيعي هو تاخدو دحيه=ببضه وتخلطو معاها زيت زيتون مممممتاز جداً يتطول الشعر ويعالجه من الجفاف والهيشان،،
  7. ماسك المايونيز ممتاز للشعر بس اختارو المايونيز الساده بدون تخليط استخدموه ك ماسك اسبوعي لشعركم،،
  8. ماسك الافوكادو تاخدو حبة الافوكادو تقشروها وتاخدو لب من داخلها تهرسوها مع زيت الزيتون وكاشيك عسل واستخدمو ك ماسك اسبوعي ممتاز،،
  9. حمام زيت المحلب نقعوه ف زيت الزيتون يوم كامل وبعدها ادهنو منه مرتين ف الاسبوع ك ماسك للشعر وادعولي المحلب يعطي كثافه خرافيه للشعر،،
  10. حمام زيت الثومه تاخدو ثومة الذكر من العطريه تهرسوها وتغلو زيت الزيتون وبعد مايغلي الزيت اطفو عليه وحطو فيه الثومه تبرد وحطوه ف فازو وادهنو منه كا ماسك اسبوعي لشعركم؛؛

وبس غالياتي اتمني الافاده للجميع دومتم متآلقات اوووهبكم ااامووووااه..

JoodAlarab

Trpoli - Libya

كوني قوية كالحرب ناعمة كالسلام

No Comments Yet

Comments are closed

WP2Social Auto Publish Powered By : XYZScripts.com
Social Network Integration by Acurax Social Media Branding Company
error: Content is protected !!